Raporek li ser darvekirina pênc girtiyan li girtîgehên Qizilhesar, Gurgan, Îsfehan û Sebzewar

Hengaw; Şemî 30ê Tebaxa 2025an
Sizayê darvekirina pênc girtiyan ên bi navên Ehmedelî Mêhrîpûr, Hemîd Kakawend, Arman Aqçelî, Hisam Dadxah û Seîd Coxetay, ku berê bi tohmetên pêwendîdar bi madên hişber ji aliyê Dezgeha Dadwerî ya Komara Îslamî ya Îranê ve bi darvekirinê hatibûne sizadan, li girtîgehên Qizilhesar, Gurgan, Îsfehan û Sebzewarê hate birêvecûn.
Pêka rapora ku gihaye bi Saziya Mafê Mirovî ya Hengawê, sibêdeha roja Şemî 30ê Tebaxa 2025an, sizayê darvekirina du girtiyan ên bi navên Hemîd Kakawend ê girtiyê Kurd û xelkê Kengeverê yê ser bi Kirmaşanê û Ehmedelî Mêhrîpûr, ku berê bi tohmetên madên hişber hatibûne girtin, li girtîgeha Qizilhesara Kerecê hate cîbicîkirin.
Ji aliyek dinê ve, roja Çarşemî 27ê Tebaxa 2025an, sizayê darvekirina girtiyekî Tirkemen ê bi navê Arman Aqçelî li girtîgeha navendî ya Gurganê navenda parêzgeha Gulistanê hate birêveçûn. Ev girtiyê han jî, berê bi tohmeta madên hişber hatibû girtin û bi darvekirinê hatibû sizadan.
Hevdem û di heman rojê de, sizayê darvekirina Hisam (Keywan) Dadxah ê temen 40 salî û xelkê Qezwînê, li girtîgeha navendî ya Îsfehanê (Destgird) hate cîbicîkirin.
Li gorî Saziya Mafê Mirovî ya Îranê, ev girtiye çar sal berî niha bi tohmeta pêwendîdar bi madên hişber hatibû girtin û bi darvekirinê hatibû sizadan. Navbirî sê salan li girtîgeha Necefavayê girtî bû û ji bo birêvebirina sizayê darvekirinê bo girtîgeha Dastgirdê hatibû veguhastin.
Herwiha sibêdeha roja Sêşemî 19ê Tebaxa 2015an, sizayê darvekirina girtiyekî Tirkê Azerî yê bi navê Saîd Coxetay li girtîgeha navendî ya bajarê Sebzewar ê girêdayî parêzgeha Xurasana Rezewî hate cîbicîkirin. Ev girtiyê han berê bi tohmeta madên hişber hatibû girtin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.
Nûçeya darvekirina van girtiyane heta dema belavbûna vê nûçeyê, di medyayên hikûmetî û nemaze medyayên nêzî Dezgeha Dadwerî de nehatiye belavkirin.