Mehabad; Pûriya Nesîrî, xwendekarê xelkê Mehabadê sizayê girtîgehê bi ser de hate sepandin

Hengaw; Yekşemî 24ê Tebaxa 2025an

Pûriya Nesîrî, xwendekarê Kurd ê xelkê bajarê Mehabadê, ji aliyê Dezgeha Dadwerî ya Komara Îslamî ya Îranê ve sizayê sê meh girtîgehê bi ser de hate sepandin.

Li gorî rapora ku gihaye bi Saziya Mafê Mirovî ya Hengawê, Pûriya Nesîrî, xwendekarê beşa Yasa li Zanîngeha Azad a Îslamî ya Mehabadê, ji aliyê Taya Yekem a Dadgeha Şoreş a vî bajarî ve bi tohmeta "propagendekirin li dijî hikûmetê" sê meh sizayê girtîgehê bi ser de hate sepandin. Ev sizaye bo heyama du salan hatiye ragirtin.

Pûriya Nesîrî roja Sêşemî 8ê Tîrmehê, bi danîna barimteyê û bi awayekî demkî û heta dawî qonaxên dadgehê ji girtîgeha Mehabadê hatibû berdan.

Ev xwendekarê Kurd roja Pêncşemî 19ê Hezîrana 2025an, ji aliyê hêzên ewlehî yên Komara Îslamî ya Îranê ve li bajarê Mehabadê hatibû girtin.

Navbirî herwiha di 30ê Cotmeha 2023an de, ji aliyê Îtilaata Spaha Pasdaran ve li bajarê Mehabadê hatibû girtin û piştî midehekê hatibû berdan.