Kirmaşan; Şehab Darabî ji ajotvanê nerazî bi 3 sal girtîgehê hate sizadan

Hengaw; Yekşemî 24ê Tebaxa 2025an

Şehab Darabî, welatiyê Kurd ê xelkê Şabadê û naskirî bi “Yûz Asiya”, ji aliyê Dezgeha Dadwerî ya Komara Îslamî ya Îranê ve bi sê sal û rojek  girtîgeha sepiyayî hate sizadan. Navbirî di du haletan de ji ber rexnekirina hilbijartinan li Îranê û tevlîbûna wî bi barhilgirên nerazî re hatibû girtin.

Li gorî rapora ku gihaye bi Saziya Mafê Mirovî ya Hengawê, Şehab Darabî yê xelkê Şabadê ji aliyê Dadgeha Şoreş a vî bajarî ve bi 3 sal û 1 roj girtîgehê hate sizadan. Ev sizaye ji ber tevlîbûna navbirî bi girevgirtina meha Gulana îsal ya barhilgiran re û weşana hin naverokên piştgiriyê ji barhilgiran di nav tora civakî ya Instagramê de hatiye derçûn.

Şehab Darabî, roja Sêşemî 27ê Gulana 2025an, bi awayekî hovane li mala xwe ya li Şabadê hatibû girtin û roja Duşemî 2ê Hezîranê bi danîna barimteyê û heta dawî qonaxên dadgehê hatibû berdan.

Navbirî beriya niha li ser rûpela xwe ya Instagramê ji girevgirtina seranserî ya maşînên barhilgir ên nerazî piştgirî kiribû.

Ev welatiyê Kurd roja Çarşemî 28ê Şibata 2024an, piştî weşandina gotarekê li dijî hilbijartinan, ji aliyê hêzên ewlehî ve hatibû girtin û piştî midehekê hatibû berdan.

Şehab Darabî naskirî bi “Yûz Ayisa” tevî çalakîkirin di nav torên civakî de, mijûlê karê ajotvaniya barhilgiran e.