Sine; Ferdîn Mewlûdî, ji girtiyê şerê 12 rojan ê di navbera Îran û Îsraîlê de 5 sal sizayê girtîgehê bi ser de hate sepandin

Hengaw; Şemî 29ê Mijdara 2025an

Ferdîn Mewlûdî, girtiyê siyasî yê berê yê Kurd û xelkê bajarê Sine û ji girtiyê şerê 12 rojan, ji aliyê Dezgeha Dadwerî ya Komara Îslamî ya Îranê ve 5 sal sizayê girtîgehê bi ser de hate sepandin. Navbirî li heyama şerê 12 rojan ê di navbera Îran û Îsraîlê de hatibû girtin.

Li gorî rapora ku gihaye bi Saziya Mafê Mirovî ya Hengawê, Ferdîn Mewlûdî yê temen 36 salî û xelkê bajarê Sine ji aliyê Taya Yekem a Dadgeha Şoreş a vî bajarî ve bi serokatiya dadwer Mistefa Ezîzî bi tohmeta "hewildan li dijî ewlehiya welat" bi 5 sal girtîgehê hate sizadan.

Ev sizaye di halekê de hatiye dayîn ku Ferdîn Mewlûdî pênc mehên derbasbûyî li girtîgehê derbas kiriye û ji ber nexweşiyê nikare li hember girtina demdirêj li girtîgehê bimîne.

Ferdîn Mewlûdî roja Şemî 28ê Hezîrana 2025an, di meşa girtina berfireh a welatiyan de li piştî şerê 12 rojan ê di navbera Îsraîl û Komara Îslamî ya Îranê de ji aliyê hêzên Îtilaata Spaha Pasdaran ve li Sine hatibû girtin û piştî midehekê bo girtîgeha navendî ya vî bajarê hatibû veguhastin.