Berdewamiya girtin û veguhestina çar welatiyên xelkê Seqizê bo girtîgeha îdareya Îtilaatê li Sine

Hengaw; Duşemî 25ê Tebaxa 2025an

Zekeriya Muradî, Umîd Rehîmzade, Mehdî Kemalî û Mihemed Emînpûr, welatiyên Kurd ên xelkê Seqizê, nêzî hefteyek berî niha hatine girtin û bo girtîgeha îdareya Îtilaatê li Sine hatine veguhastin.

Li gorî rapora ku gihaye bi Saziya Mafê Mirovî ya Hengawê, roja Duşemî 4ê Tebaxa 2025an, Zakeriya Muradî, Umîd Rehîmzade, Mehdî Kemalî û Mihemed Emînpûr ji aliyê hêzên ewlehî yên Komara Îslamî ya Îranê ve hatine girtin û bo girtîgeha îdareya Îtilaatê li Sine hatine veguhastin û bi derbasbûna çendîn roj ji girtina wan ti zanyariyek derheq çarenivîsa wan ber dest nîne.

Li gorî çavkaniyeke nêzîkî malbatên van çar welatiyan, ew ji bo navenda ragirtinê ya îdareya Îtilaatê ya li Sine hatine veguhastin û heta niha ji mafê pêwendîgirtin û hevdîtina bi malbat û xizmên xwe re û herwiha ji mafê destpêregihîştin bi parêzer hatine bêparkirin.

Hengaw berê ragihandibû ku, Zekeriya Muradî, Umîd Rehîmzade û Mehdî Kemalî li malên xwe li Seqizê hatine girtin, û demek kurt piştî girtina van hersê welatiyan, Mihemed Emînpûr jî piştî ku ji aliyê hêzên Îtilaatê ve hatiye xapandin û ji bo civîneke karî hatiye vexwendin, di êrîşeke bi kom ya hêzên ewlehî de hatiye girtin.

Heta dema belavbûna vê nûçeyê, derbarê sedemên girtin, cihê ragirtin û tohmetên ku li dijî van çar welatiyan Kurd hatinî sepandin ti zanyariyek serast ber dest nîne.