Demawend; Raporek li ser girtin, gazîkirin û destbiserdegirtina telefonên welatiyên Kurd ji aliyê îdareya Îtilaatê ve

Hengaw; Çarşemî 27ê Tebaxa 2025an

Ferzad Rostemî, welatiyê Kurd ê rûniştiyê bajarê Demawendê, ji aliyê hêzên îdareya Îtilaatê ya Komara Îslamî ya Îranê ve hate girtin û herî kêm deh welatiyên din ên bi navê Ferzîn Rostemî û Bêhzad Rostemî, birayên Ferzad Rostemî û Şapûr Hebîbî, Celal Mihemedî, Mehdî Qasimî, Seywan Qasimî, Luqman Qasimî, Cemîl Sifîdî, Ferşad Mulkîdoxt û Îqbal Muradîzer hatine gazîkirin û dest bi ser telefonên wan de hate girtin.

Li gorî rapora ku gihaye bi Saziya Mafê Mirovî ya Hengawê, îdareya Îtilaata Demawendê li parêzgeha Tehranê dest daniye ser telefonên yanzdeh welatiyên Kurd û xelkê bajarê Sine û ji bilî girtina yek ji wan kesan ê bi navê Ferzad Rostemî, di rojên borî de deh kesên dinê jî bi şêweyên cuda hatine gazîkirin û lêpirsînkirin.

Di vê navberê de, Ferzîn Rostemî, birayê Ferzad Rostemî û Bêhzad Rostemî, berê ji ber çalakiyên xwe ji aliyê navendên ewlehî û dadweriyê ve di bin çavdêrî û girtinê de bûn.

Li gorî çavkaniyeke nêzîkî malbatên van kesan, îdareya Îtilaata bajarê Demawendê tevî revtkirina telefonên van welatiyane, ew di rojên borî de gazî kirine û rastî lêpirsînê anîne.

Ferzad Rostemî roja Yekşemî 17ê Tebaxa 2025an hatiye girtin û hevdem telefonên deh welatiyên dinê ji aliyê îdareya Îtilaatê ve hatine destbiserdegirtin.

Heta dema belavbûna vê raporê, derbarê sedemên girtin û tohmetên ku li dijî van welatiyên Kurd hatinî sepandin ti zanyariyek serast ber dest nîne.