Mehabad; Pûya Nesîrî ji aliyê hêzên îdareya Îtilaatê ve hate girtin
Hengaw; Çarşemî 27ê Tabaxa 2025an
Pûya Nesîrî (Rawêj), welatiyê Kurd ê xelkê Mehabadê, ji aliyê hêzên îdareya Îtilaata ve bi awayekî tundûtîjî hate girtin û bo cihekî nediyar hate veguhastin. Navbirî birayê Pûriya Nesîrî ye, ku berê hatibû girtin û di vê dawiyê de sizayê girtîgehê bi ser de hatibû sepandin.
Li gorî rapora ku gihaye bi Saziya Mafê Mirovî ya Hengawê, roja Çarşemî 27ê Tebaxa 2025an, Pûya Nesîrî yê temen 23 salî û xelkê Mehabadê, di encama êrîşa hêzên îdareya Îtilaatê de bo ser dukana wî li vî bajarî bi awayekî hoven hate girtin û bo cihekî nexuya hate veguhastin.
Li gorî çavkaniyeke agehdar, hêzên îdareya Îtilaatê ev welatiyê Kurd bi bê hebûna ti belgeyeke dadwerî û bi lêdan û kutanê binçavkirine.
Hêjayî gotinê ye ku berê, Pûryia Nesîrî, xwendekarê beşa Yasa li Zanîngeha Azad a Mehabadê û birayê Pûya, roja Pêncşemî 19ê Hezîrana 2025an hatibû girtin û 24ê Tebaxa 2025an, ji aliyê Taya Yekem a Dadgeha Şoreş a vî bajarî ve bi tohmeta "propagendekirin li dijî hikûmetê" sê meh sizayê girtîgehê bi ser de hate sepandin.
Heta dema belavbûna vê raporê, ti zanyariyek serast derberê sedemên girtin, cihê ragirtin û herwiha tohmetên ku li dijî vî welatiyê Kurd hatinî sepandin li ber dest nîne.
