Azadkirina Hemîd Çepatî bi çavdêriya pêbenda elektronîkî ji girtîgeha navendî ya Urmiyê

06 December 2025 21:22

Nûçe

Girtîgeh

Kurdistan

Berdana girtiyan

Hengaw; Şemî 6ê Kanûna 2025an

Hemîd Çepatî, yek ji çalakvanê sivîl ê Kurd û xelkê Urmiyê ku berê ji bo cîbicîkirina sizayê xwe yê şeş meh girtîgehê bo girtîgehê hatibû veguhastin, piştî derbasbûna nêzîkî du meh û nîv girtîgehê, bi çavdêriya pêbenda elektronîkî ji girtîgeha navendî ya Urmiyê hate berdan.

Li gorî rapora ku gihaye bi Saziya Mafê Mirovî ya Hengawê, roja Şemî 6ê Kanûna 2025an, Hemîd Çepatî, çalakvanê sivîl ê 37 salî û xelkê Urmiyê, piştî derbaskirina 88 roj girtîgeh, bi pêbenda elektronîkî ji girtîgeha navendî ya vî bajarî hate azadkirin.

Hemîd Çepatî dê dema mayî ya sizayê xwe li derveyî girtîgehê û bi sînordarkirina hatinûçûnê li mala xwe derbas bike.

Ev çalakvanê sivîl, roja Sêşemî 9ê Îlona 2025an, piştî gazîkirin bo Taya Birêvebirina Sizayan a Dadgeha Urmiyê hatibû girtin û bi mebesta birêvebirina sizayê 6 meh girtîgeha bi ser de hatî sepandin bo girtîgehê hatibû veguhastin.

Hemîd Çepayî sala borî ji aliyê Taya Du ya Dadgeha Şoreş a Urmiyê ve bi serokatiya Dadwer Şahînî bi tohmeta "propagendekirin li dijî hikûmetê û têkdana raya giştî" bi sê meh girtîgehê hatibû sizadan.

Ev sizaye Tîrmeha îsal piştî nerazîbûna Bêhzad Sarîxanlû yê Cihgirê Dozgerê Giştî û Şoreşê yê Urmiyê derbarê biryara dadgeha destpêkê, bi 6 meh girtîgehgê hatibû zêdekirin.

Hemîd Çepatî roja Çarşemî 16ê Cotmeha 2024an, piştî gazîkirin bo Polîsê Ewlehî li Urmiyê hatibû girtin û piştî rojek ji binçavkirinê, navbirî bi danînan barimteya 6 milyardî û bi awayekî demkî heta dawî qonaxên dadgehê hatibû berdan.

Source: Hengawê Kurdî

Azadkirina Hemîd Çepatî bi çavdêriya pêbenda elektronîkî ji girtîgeha navendî ya Urmiyê

Di vî warî de zêde bixwînin