Merîwan; Girtina Şêrko Kanî Sananî, wênegir û çalakvanê jîngehparêziyê ji aliyê hêzên hikûmetî ve

Hengaw; Çarşemî 24ê Kanûna 2025an

Şêrko Kanî Sananî, wênegir û çalakvanê jîngehparêzî yê Kurd û xelkê Merîwanê, piştî vegerîn ji rêûresma çalakvanên jîngehparêziyê û beşdarîkirin li "Helmeta Zagrosane" ku li gundê Nê hatibû lidarxistin, ji aliyê hêzên hikûmetî yên Komara Îslamî ya Îranê ve hate girtin û bo cihekî nediyar hate veguhastin.

Li gorî rapora ku gihaye bi Saziya Mafê Mirovî ya Hengawê, roja Sêşemî 23ê Kanûna 2025an, Şêrko Kanî Sananî, wênegir û çalakvanê jîngehparêzî yê xelkê Merîwanê û yek ji endamên Encumena Kesk a Çiya, li vî bajarî hate girtin.

Bi gotina çavkaniyên agehdar, ev welatiye piştî vegerîn ji rêûresma Helmeta Zagrosane ku li gundê Nê yê ser bi Merîwanê hatibû lidarxistin û di demekê de ku li kafeyekê bûye, bêyî nîşandana ti belgeyeke dadwerî hatiye girtin.

"Helmeta Zagrosane" bernameyek e ku salane di qada jîngehparêziyê de ye û ji aliyê saziyên medenî ve, wekî Encumena Kesk a Çiya, bi armanca hişyarkirina civakê û belavkirina çanda parastinê ya jîngeha Zagrosê, wek bertekek li hember gefên berfireh ên mîna agirpêketiyên bi qesd, guhertin û bikaranîna zeviyên daristanan, pêşxistina kanan, çêkirina bendavan û veberhênana nedomdar a li samanên sirûştî, bi beşdariya xwebexş a xelkê tê birêveçûn.

Heta dema belavbûna vê raporê, derbarê sedemên girtin, cihê ragirtin û çarenivîsa vî welatiyê Kurd ti zanyariyek serast li ber dest nîne.