Du girtiyên Kurd di girtîgeha Mihabadê de hatine darvekirin
Sizayê darvekirina du girtiyên Kurd bi navên Ebas Dadwer yê xelkê
Hengaw; Înê 8ê Adara 2024an
Sizayê darvekirina du girtiyên Kurd bi navên Ebas Dadwer yê xelkê Mihabadê û Fexredîn Mengurnijad yê xelkê Şinoyê di girtîgeha navendî ya Mihabadê de hate cîbicîkirin. Girtiyên hanê beriya niha bi tohmeta "kuştina bi zanebûn" bi îdamê hatibûne sizadan.
Pêka rapora ku gihaye bi Saziya Mafê Mirovî ya Hengawê, roja Pêncşemî 7ê Adara 2024an, sizayê darvekirina Ebas Dadwer yê xelkê Mihabadê ku xîzandar û bavê zarokekê bû û Fexredîn Mengurnijad yê xelkê Şinoyê di girtîgeha navendî ya Mihabadê de hate cîbicîkirin.
Li gorî gotina çavkaniyeke agehdar, du girtiyên hanê 4 sal beriya niha di dosyayek hevbeş de bi tohmeta "kuştina bi zanebûn" di rêya Serdeştê de hatibûne girtin û piştre bi îdamê hatibûne sizadan.
Heta belavbûna vê nûçeyê, nûçeya darvekirina wan du girtiyan di medyayên hikûmetî û bi taybet medyayên nêzî Dezgeha Dadwerî de nehatiye belavkirin.
