Şino; 7 kes ji girtiyên tevgera Jin Jiyan Azadî piştî derbaskirina 18 meh binçavkirinê ji tohmeta "muharib"ê bêtawan derçûn

Hengaw; Sêşemî 12ê Adara 2024an

Karwan Şahî Perwane, Feryad Hemzeşûr, Ferzad Mehmûdpûr, Şehram Merûf Mûla, Riza Îslam Dust û du bira bi navên Ferhad Tehazade û Ferzad Tehazade, piştî derbaskirina nêzîk salek û nîv ji binçavkirinê, ji tohmeta "muharib"ê bêtawan derçûn.

Pêka rapora ku gihaye bi Saziya Mafê Mirovî ya Hengawê, di vê dawiyê de Karwan Şahî Perwane, Feryad Hemzeşûr, Ferzad Mehmûdpûr, Şehram Merûf Mûla, Riza Îslam Dust û du bira yên bi navên Ferhad Tehazade û Ferzad Tehazade di dawî rûniştina Taya Sêyem a Dadgeha Şoreş a Urmiyê ji tohmeta "muharib"ê bêtawan derçûn.

Dawî rûniştina pêragihîştin bi tohmetên Riza Îslam Dust, Ferzad Tehazade, Şehram Merûf Mûla, Karwan Şahî Perwane, Feryad Hemzeşûr, Ferzad Mehmûdpûr roja Çarşemî 6ê Adara 2024an, di Dadgeha Şoreş a Urmiyê de hate lidarxistin.

Hengaw agahdar bûye ku, tevahiya kombûnên pêragihîştin bi tohmetên van girtiyan bi awayekî vîdyo konferans hatiye lidarxistin û rê nedane parêzeran ku di vê dadgehê de amade bibin.

Ev girtiyane, beriya niha ku ji aliyê Dezgeha Dadwerî ya Komara Îslamî ya Îranê ve bi "muharib"ê hatibûn tohmetbarkirin, di heyama binçavkirina xwe de rastî îşkenceyên laşî û derûnî hatibûn. Hengaw berê ragihandibû ku ev girtiyane gelek caran rastî îşkenceyên derûnî û "îdamkirina nimayişî" hatine.

Ev şeş welatiyane, di 27ê Îlona 2022an de di meşa tevgera Jin, Jiyan, Azadî de ji aliyê hêzên ewlehî ve li Şinoyê hatibûne girtin û piştî lêpirsîna bi îşkenceyê, bo girtîgeha Urmiyê hatibûne veguhastin.