Pênc kolberên Kurd li ser sînorên Kurdistanê hatine birîndarkirin

Hengaw; Şemî 20ê Nîsana 2024an

Aliyê kêm pêncê kolberên Kurd yên bi navên Mihemed Rehîmî, Muîn Şerîfî, Mihemed, Seîd û Keywan Darabî bi teqeya rasterast a hêzên leşkerî yên Komara Îslamî ya Îranê hatine birîndarkirin.

Li gorî rapora ku gihaye bi Saziya Mafê Mirovî ya Hengawê, roja Înê 19ê Nîsana 2024an, li encama teqekirina rasterast a hêzên leşkerî li dijî hejmarek ji kolberan, sê kolberên Kurd ên bi navên Muîn Şerîfî yê temen 24 salî û Mihemed (nasnavê wî nediyar e) yên xelkê bajarê Ciwanroyê û Seîd (nasnavê wî nediyar e) yê xelkê gundê Sefiyava yê ser bi vî bajarî, li ser sînorê Newsûdê yê ser bi bajarê Pawê ji aliyê dest û lingên xwe ve hatine birîndarkirin.

Ji aliyek dinê ve jî, roja Pêncşemî 18ê Nîsanê, Keywan Darabî yê temen 20 salî û xelkê Serpêla Zehawê li ser sînorî Hengejale yê ser bi Banê bi teqeya rasterast a hêzên leşkerî yên Îranê ji aliyê lingê xwe ve hate birîndarkirin û bi mebesta çareseriya pizîşkî bo nexweşxaneya Seqizê hate veguhastin.

Herwisa roja Çarşemî 17ê Nîsanê, Mihemed Rehîmî, kolberê ciwan ê xelkê Seqizê di dema lipeyketina hejmarek kolberan ji aliyê hêzên leşkerî ve li ser sînorê Hengejale yê ser bi Banê, ji ber ketin ji bilindahiyan ve lingê wî birîndar bû.