Serdeşt; Girtina du welatiyên Kurd ji ber beşdarîkirin li rêûresmên taybet bi Newroza Kurdistanê
![](/content/upload/1/root/zanko-u-omar.jpg)
Hengaw; Yekşemî 12ê Gulana 2024an
Du welatiyên Kurd ên xelkê bajarê Serdeştê yên bi navên Zanko Îranzade û Umer Şerîfpûr ji ber beşdarîkirin li rêûresmên taybet bi Newroza Kurdistanê ji aliyê hêzên ewlehî ve hatine girtin û bo cîhekî nediyar hatine veguhastin.
Pêka rapora ku gihaye bi Saziya Mafê Mirovî ya Hengawê, roja Sêşemî 7ê Gulana 2024an, Zanko Îranzade yê temen 32 salî û Umer Şerîfpûr yê temen 23 salî û xelkê gundê Kelereş yê girêdayî bajarê Serdeştê ji aliyê hêzên Îtilaatê ve hatine girtin û bo cîhekî nediyar hatine veguhastin.
Li gorî gotina çavkaniyeke nêzîkî malbatên van girtiyan, ev du welatiyên Kurd ji aliyê hêzên Îtilaatê ve demjimêr 4ê sibêdehê bi awayekî hovane û bi bê nîşandana ti belgeyeke dadwerî hatine girtin.
Hengaw agehdar bûye ku, girtina van du welatiyên Kurd ji ber beşdarîkirin li rêûresmên taybet bi Newroza Kurdistanê bûye û tevî derbasbûna 6 rojan hê jî çarenivîsa wan diyar nîne û lipeyketinên malbatên van girtiyane bê encam maye.
Heta dema belavbûna vê nûçeyê, ti zanyariyeke serast derheq sedemên girtin, tohmetên ku li dijî wan hatinî sepandin, çarenivîs û cihê ragirtina wan li ber dest nîne.