Şino; Cibreyîl Ehmedpûr bi awayekî tundûtîjî ji aliyê hêzên ewlehî ve hate girtin

Hengaw; Duşemî 8ê Çileya 2024an

Cibreyîl Ehmedpûr yê xelkê bajarê Şinoyê, bi awayekî tundûtîjî ji aliyê hêzên ewlehî ve hate girtin. Beriya girtina vî ciwanî, çend kesûkarên navbirî ji aliyê hêzên ewlehî ve bo çend demjimêran bidîl hatin girtin.

Pêka rapora ku gihaye bi Saziya Mafê Mirovî ya Hengawê, demjimêr 2ê sibêdeha roja Yekşemî 7ê Mijdara 2024an, hêzên Wezareta Îtilaatê êrîşî ser mala malbata Cibreyîl Ehmedpûr li gundê “Girdkaşan” ê ser bi Şinoyê kirin û navbirî bi awayekî hovane binçav kirin.

Pêka gotina çavkaniyeke agehdar, hêzên Wezareta Îtilaatê tevî nebûna belgeyên yasayî ji bo derbasbûna nav mala navbirî, çend kes ji kesûkarên Cibreyîl Ehmedpûr li beramberî girtina navbirî çend demjimêran bidîl girtine.

Vê çavkaniyê daye zanîn: “Piştre dema ku Cibreyîl Ehmedpûr vegeriya mala xwe, kesên ku ji aliyê hêzên ewlehî ve bidîl hatibûne girtin, hatine berdan û ev ciwanê 27 salî hate binçavkirin û bo cihekî nediyar hate veguhastin.

Heta dema belavbûna vê nûçeyê, ji sedema girtin û tohmetên li dijî wî hatinî sepandin, ti zanyariyek ber dest nîne.