Rapora amarî ya Hengawê derheq qurbanîbûna 27 welatiyan bi sedema teqîna mînan di sala 2023an de
Teqîna mînên bi cihmayî yên şerê heşt sale yê Îran û Îraqê û herwisa mînên ku di salên dawî de ji
Hengaw; Sêşemî 9ê Çileya 2024an
Teqîna mînên bi cihmayî yên şerê heşt sale yê Îran û Îraqê û herwisa mînên ku di salên dawî de ji aliyê Spaha Pasdaran ve hatine çandin berdewam li Îranê qurbaniya distîne. Zêdetirî %22 qurbaniyên teqîna mînan di sala derbasbûyî de zarok û jin bûne ku zêdetirî %96 jî welatiyên Kurd bûne.
Pêka amarên tomarkirî li Navenda Amar û Belgeyên Saziya Mafê Mirovî ya Hengawê, di sala derbasbûyî ya Zayînî de aliyê kêm 7 hevwelatî bi sedema teqîna mîn û cebilxaneyên şer li navçeyên sînorî hatine kuştin û 20 welatiyên dinê jî hatine birîndar û kêmendamkirin.
Li gorî vê raporê, zêdetirî %96 qurbaniyên teqîna mînan li parêzgehên Îlam, Kirmaşan, Sine û Urmiye hatiye tomarkirin ku welatiyên Kurd bûne û nûciwanekî Ereb jî di parêzgeha Ehwazê de hatiye birîndarkirin.
Herwisa di sala derbasbûyî de aliyê kêm 5 zarok û nûciwanên jêr temen 18 saliyê û jinek bûne qurbaniyên teqîna mînan ku %22 ji gelempera vê amarê dike û li gorî sala borî %10 kêm bûye.
Cudakirina qurbaniyan li gorî parêzgehan;
Di sala derbasbûyî de zêdetirîn qurbaniyên mînan li ser sînorên parêzgeha Sine bi 12 haletan hatiye tomarkirin. Piştî vê parêzgehên Îlam û Urmiyê bi 5 haletan. Zêdetirîn haletên ku hatine kuştin li parêzgeha Îlamê bi 4 haletan wate %57 ji gelempera vê amarê bûye.
Parêzgeha Sine: 12 halet in ku hatine birîndarkirin.
Parêzgeha Îlamê: 5 qurbanî ku 4 hatine kuştin û yek jî birîndar bûye.
Parêzgeha Urmiyê: 5 qurbanî ku yek hatiye kuştin û 4 jî birînadr bûne.
Parêzgeha Kirmaşanê: 4 qurbanî ku 2 hatine kuştin û 2 jî birînadr bûne.
Parêzgeha Xûzistanê: 1 qurbanî ku birîndar bûye.
Cudakirina qurbaniyên mînan li gorî qatên civakî;
Zêdetirîn qurbaniyên mînan di sala derbasbûyî de welatiyên asayî bûne ku 15 halet in, herwisa 11 kedkar û kolber jî bûne qurbaniyên teqîna mînan.
Welatiyên asayî: 15 halet ku 2 hatine kuştin û 13 jî birîndar bûne.
Kedkar û kolber: 11 halet ku 5 hatine kuştin û 11 jî birîndar bûne.
Leşkerî: 1 halet ku birîndar bûye.
