Girtina sêyemîn welatî li Mehabadê
Bi eşkerebûna nasnameya welatiyekî din ê bi navê Rehîm Ebdulahî yê xelkê Mehabadê, hejmara welatiyên ku roja Sêşemî li vî bajarî hatine gir
Hengaw; Pêncşemî 11ê Çileya 2024an
Bi eşkerebûna nasnameya welatiyekî din ê bi navê Rehîm Ebdulahî yê xelkê Mehabadê, hejmara welatiyên ku roja Sêşemî li vî bajarî hatine girtin giha bi sê kesan.
Pêka rapora ku gihaye bi Saziya Mafê Mirovî ya Hengawê, sibêdeha roja Sêşemî 09ê Çileya 2024an, hêzên Îtilaatê li bajarê Mehabadê, welatiyê bi navê Rehîm Ebdulahî yê 32 salî binçav kirine û bo cihekî nediyar veguhastine.
Li gor çavkaniyeke agehdar, hêzên ewlehî êrîşî ser cihê karê Ebdulahî di êmîşfiroşiyekî de kirine û bi awayekî tundûtîjiyê û çêkirina keşeke tirsiak navbirî binçav kirine.
Roja Sêşemî, Hengawê di raporekê de ji girtina du welatiyên din yên xelkê Mehabadê yên bi navên Siyamend Mîna û Kerîm Sengerî (Sengerîniya) ragihandibû.
Heta dema belavbûna vê nûçeyê, zanyariyên serast derbarê sedemên girtin, tohmetên li dijî wan hatinî sepandin û çarenivîs û cihê mana van welatiyên xelkê Mehabadê li ber dest nîne û lipeyketina malbatên wan di vê derbarê de bê encam maye.
