Birêveçûna gireva giştî li Kurdistanê li ser bangewaziya berê ya saziyên mafê Mirovî

Hengaw; Sêşemî 30ê Çileya 2024an

Piştî belavkirina bangewaziya 7 saziyên mafê mirovî, aliyê kêm welatiyan li 12 bajarên wek Kirmaşan, Sine, Bokan, Rewanser, Mehabad, Dîwandere, Merîwan, Dêwulan, Qurwe, Sewlava, Bane û Seqizê ji bo nîşandana nerizayetiya xwe li hemeber bidarvekirina çar girtiyên siyasî yên Kurd bi awayekî berfireh dest bi gireva giştî kirin.

Pêka wêne û vîdyoyên ku gihane bi Saziya Mafê Mirovî ya Hengawê, roja Sêşemî 30ê Çileya 2024an, xelkê ji bo nîşandana nerizayetiya xwe li hember darvekirina çar girtiyên siyasî yên Kurd ên bi navên Muhsên Mezlûm, Mihemed Feramerzî, Wefa Azerbar û Pêjman Fatihî, û herwiha bi sedema zêdebûna rêjeya darvekirina welatiyên Kurd, li bajarên cuda yên Kurdistanê dest bi gireva giştî kirin.

Hengawê, îro wêne û vîdyoyên girêdayî vê çalakiya medenî ya berfireh a xelkê Kurdistanê di kanalên medyayî yên xwe de belav kirine.

Hevdem tevî girevên berfireh li van bajaran, li piraniya bajarên Kurdistanê hêlên telefon û înternêtê qut bûn û hêzên ewlehî li ser şeqam û rêyên giştî bi cih bibûn. Di çend bajaran de jî, ji wan Kirmaşan, Sine û Bokanê helîkopterên Spaha Pasdaran ji bo çêkirina tirsê dewr lê didan.

Her di vê derbarê de, xelkê Dêwulanê bi amadebûna li ber mala dayîk û bavê Mihemed Feramerzî, hevxemiya xwe bi vê malbatê û cangoritiyên din ên vî bajarî nîşan dan.

Herwiha, xelkê Kamêranê li rêûresma bibîranîna Pêjman Fetihî yek ji van girtiyên siyasî yên hatî îdamkirin, beşdar bûn û li ber mala xalê wî amade bûn.

Xelkê Bokan û Mehabadê jî, hevdem tevî lidarxistina gireva giştî li van du bajaran, ji bo nîşandana hevxemiya xwe bi malbat û xizmên Wefa Azerbar û Muhsên Mezlûm re li mala vê malbatê li taxa "Mîrava" amade bûn.

Saziya Mafê Mirovî ya Hengawê û 6 saziyên din ên mafê mirovî yên çalak li Kurdistanê bi belavkirina daxuyaniyeke hevbeş daxwaz ji xelkê Kurdistanê kiribûn ku roja Sêşemî 30ê Çileya 2024an bi girevgirtina giştî û seranserî, cîbicîkirina sizayê darvekirina van çar girtiyên siyasî yên Kurd ên bi navên Muhsên Mezlûm, Mihemed Feramerzî, Wefa Azerbar û Pêjman Fatihî şermezar bikin. Herwiha çend part û aliyên siyasî yên Kurdistanê jî bang li xelkê kiribûn ku beşdariya vê greva giştî bibin.