Bokan; Hesen Merdanî û Luqman Pîşiyar ji bo cîbicîkirina sizayên girtîgehê hatine girtin
Hesen Merdanî û Luqman Pîşiyar, welatiyên Kurd yên xelkê bajarê Bokanê ku
Hengaw; Duşemî 5ê Şibata 2024an
Hesen Merdanî û Luqman Pîşiyar, welatiyên Kurd yên xelkê bajarê Bokanê ku her yek bi sê sal girtîgehê hatibûne sizadan ji bo birêvebirina sizayên girtîgehê hatine girtin û bo girtîgeha navendî ya vî bajarî hatine veguhestin.
Pêka rapora ku gihaye bi Saziya Mafê Mirovî ya Hengawê, roja Sêşemî 30ê Çileya 2024an Hesen Merdanî yê temen 65 salî û xelkê Bokanê û Luqman Pîşiyar yê 58 salî û xelkê bajarê Bokanê, piştî gazîkirin bo Taya Birêvebirina Sizayan a vî bajarî hatine girtin û bo girtîgeha navendî ya Bokanê hatine veguhetin.
Hesen Merdanî û Luqman Pîşiyar beriya niha ji aliyê Dadgeha Şoreş a Bokanê ve bi tohmeta "endametî û hevkarîkirin digel Hizba Demokrat a Kurdistana Iranê" her yek bi sê sal girtîgehê hatibûne sizadan.
Hêjayî gotinê ye ku, Luqma Pîşiyar û Hesen Merdanî roja Pêncşemî 10ê Tebaxa 2023an, ji aliyê hêzên ewlehî yên vî bajarî ve hatibûne girtin û di dawiyê de roja Yekşemî 8ê Cotmehê, bi danîna barimteya yek milyar Tumenî, bi awayekî demkî heta dawî qonaxên dadgehê ji girtîgeha navendî ya Bokanê hatibûne berdan.
