Birêveçûna sizayê darvekirina aliyê kêm 241 girtiyan li girtîgehên Îranê di heyama meha Cotmeha 2025an de
Hengew; Yekşemî 2ê Mijdara 2025an
Di heyama meha borî de, herî kêm 241 girtî li girtîgehên Komara Îslamî ya Îranê hatine darvekirin. Ev amar li gorî Cotmeha 2024an aliyê kêm 80 halet beranberî %49.5 zêde bûye. Di Cotmeha sala borî de 161 girtî hatibûne darvekirin. Ev amare zortirîn amara darvekirinan di heyama mehekê de li du dehikên vê dawiyê li Îranê ye.
Li gorî amarên ku di Navenda Amar û Belgeyan a Saziya Mafê Mirovî ya Hengawê de hatine tomarkirin, di Cotmeha 2025an de herî kêm 241 girtî li girtîgehên Îranê hatine darvekirin. Hêjayî gotinê ye ku nasnameyên tevahiya wan 235 girtiyên darvekirî ji bo Hengawê hatine eşkerekirin û nasnameya 6 girtiyên din jî di halê vekolînê de ye.
Di vê mehê de, herî kêm sizayê darvekirina 8 girtiyên siyasî ji wan 6 girtiyên siyasî yên Ereb yên bi navên Elî Mucedem, Mihemedriza Muqedem, Muîn Xenferî, Hebîb Derîs, Ednan Xebîşawî, Salim Mûsewî, Saman Mihemedî Xiyare û Cewad Neîmî li girtîgehên cuda yên Îranê hate birêveçûn ku 7 kes ji wan bi tohmetên sîxurîkin bo Îsraîlê sizayê darvekirinê bi ser wan dehatibû sepandin.
Li gorî vê raporê, herî kêm heşt jin li girtîgenên Îsfehan (du halet), Zencan, Qum, Nehawend, Şîraz, Meşhed û Reşt hatine darvekirin. Zeyneb Xudabende ya xelka Îsfehanê, Nahîd Hêmetî ya xelka Nehawendê û Mehbûbe Celalî ya xelka Rûdserê bi tohmetên pêwendîdar bi madên hişber hatine darvekirin. Herwiha pênc girtiyê din ên bi navên Roya Ebaszade ya xelka Zencanê, Kafye Qubazade ya xelka Îsfehanê, Seîde Xudadadî ya xelka Îsfehanê, Nêrgis Ehmedî ya xelka Qumê û Ketayûn Şemsî ya xelka Meşhedê bi tohmeta kuştina bi qest hatine darvekirin.
Hêjayî gotinê ye ku ji 241 girtiyên ku di meha Cotmehê de hatine darvekirin, tenê 10 halet beranberî %4 ji gelampera haletan di medyayên fermî yên Îranî û malperên girêdayî Dezgeha Dadwerî de hatine belavkirin. Herwiha sizayê darvekirina 13 girtiyan bi nihênî û bi bê agehdarkirina malbatên wan û mafê dawî hevdîtin bi malbatên xwe re hatiye cîbicîkirin.
Cudakirin li gorî kêmneteweyên netewî û etnîkî
Li gorî vê raporê di meha Cotmehê de herî kêm 37 girtiyên Kurd li girtîgehên Îranê hatine darvekirin beranberî %15.5 ji gelampera haletan. Herwiha 27 girtiyên Lor beranerî (%11 ji gelanpera haletan), 17 girtiyên Tirk û 16 girtiyên Gîlek jî hatine darvekirin.
Girtiyên Kurd: 37 haler
Girtiyên Lor: 27 halet
Girtiyên Tirk: 17 halet
Girtiyên Gîlek: 16 halet
Girtiyên Ereb: 13 halet
Girtiyên Belûç: 11 halet
Gieriyên Tirkmen: 2 halet
Girtiyên Efxanistanî: 11 halet
Girtiyên Fars: 70 halet
Nasnameya netewên ku ji bo Hengawê nehatine eşkerekirin: 37 halet
Cudakirina girtiyên hatinî darvekirin li gorî tohmetan
Di meha Cotmehê de, zêdetirîn haletên darvekirinan bi tohmeta kuştina bi qest bûye ku 124 halet beranberî 51.5% ji gelanbera haletan. Herwiha 104 kes jî bi tohmetên pêwendîdar bi madên hişber hatine darvekirin.
Çalakvanên siyasî: 8 halet
Madên hişber: 104 halet
Kuştina bi qest: 124 halet
Dizîkirina bi çekê: 3 halet
Destdirêjiya sexî: 2 halet
Cudakirina darvekirinan li girtîgehan li gorî parêzgehan
Li gorî amarên Hengawê, di heyama meha borî de zêdetirîn bêreveçûna sizayên darvekirinê li girtîgehên parêzgeha Elborzê hatine tomarkirin ku 31 haletin. Bi giştî li 27 parêzgehan sizayê darvekirinê hatine cîbicîkirin û piştî parêzgeha Elborz zêdetirîn amarên darvekirinê li parêzgehên Îsfehanê bi 21 haletan û Fars bi 20 haletan hatine tomarkirin.
Parêzgeha Elborz: 31 halet
Parêzgeha Îsfehan: 21 halet
Parêzgeha Fars: 20 halet
Parêzgeha Kirmaşan: 17 halet
Parêzgehên Xurasan Rezewî û Xûzistan: Her yek 14 halet
Parêzgeha Gîlan: 13 halet
Parêzgeha Loristan: 12 halet
Parêzgeha Qum: 10 halet
Parêzgeha Hemedenê 9 halet
Parêzgehên Kirman û Zencan: Her yek 8 halet
Parêzgehên Simnan û Xurasana Bakur: Her yek 7 halet
Parêzgehên Merkezî, Kohgîlûye û Buyerehmed û Gulistan: Her yek 6 halet
Parêzgehên Mazenderan, Qezwîn û Xurasana Başûr: Her yek 5 halet
Parêzgehên Yezd û Tewrêz: Her yek 4 halet
Parêzgeha Sîstan û Belûçistan: 3 halet
Parêzgehên Îlam û Hurmuzganê: Her yek 2 halet
Parêzgehên Sine, Çarmehal û Bextiyarî: Her yek 1 halet
