بانە، برینداربوونی کۆڵبەرێک لە لایەن هێزە چەکدارەکانی ئێرانەوە
٢٦ پووشپەڕ ٢٧٢٤، ١٥:٤٧
هەنگاو؛ سێشەممە، ٢٦ی پووشپەڕی ٢٧٢٤
کۆڵبەرێکی خەڵکی بانە بە ناوی سیروان ڕەسووڵی، بە تەقەی ڕاستەوخۆی هێزە چەکدارەکانی کۆماری ئیسلامی ئێران بە سەختی بریندار کرا و بۆ چارەسەری پزیشکی بۆ ناوەندە دەرمانییەکانی تەورێز گواسترایەوە.
بە پێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی دووشەممە ٢٥ی پووشپەڕی ٢٧٢٤ (١٥جولای ٢٠٢٤) سیروان ڕەسووڵی، ٣٢ساڵە و خەڵکی بانە، لە لایەن هێزە چەکدارەکانی ئێرانەوە بە سەختی دراوەتە بەر لێدان و ئەشکەنجە و لە مەودایەکی نزیکەوە بە چەکی کڵاشینکۆف تەقەی لێ کراوە و بریندار بووە
بە وتەی سەرچاوەیەکی ئاگادار، ئەو کۆڵبەرە لە سنووری سارداوی بانە تەقەی لە قاچی کراوە و بە هۆی قووڵایی برینەکانییەوە بە مەبەستی چارەسەری پزیشکی بۆ تەورێز گواستراوەتەوە.
