زاهیدان؛ ڕاپۆرتێک لەسەر دەستبەسەرکرانی لانی کەم ٢٠ هاووڵاتیی بەلووچ لە لایەن هێزە ئەمنییەکانەوە
هەنگاو؛ پێنجشەممە ٢٠ی بەفرانباری ٢٧٢٤
لانی کەم ٢٠ هاووڵاتیی بەلووچی خەڵکی نوسرەت ئاوای سەر بە شاری زاهیدانی پارێزگای سیستان و بەلووچستان، لە لایەن هێزە ئەمنییەکانی کۆماری ئیسلامیی ئێرانەوە بە بەکارهێنانی توندوتیژی دەستبەسەر کران و بۆ شوێنێکی نادیار گواسترانەوە. ئەگەری زیاتربوونی ژمارەی دەستبەسەرکراوان لەئارادایە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، بەرەبەیانیی ڕۆژی سێشەممە ١٨ی بەفرانباری ٢٧٢٤ (٧ی جەنیوەریی ٢٠٢٥)، لانی کەم ٢٠ هاووڵاتیی بەلووچ لە ئەنجامی هێرشی بەرفراوانی هێزە ئەمنییەکان بۆ سەر شار نوسرەت ئاوای زاهیدان دەستبەسەر کران کە ناسنامەیان بەو شێوەیە؛ ۱- میرخان نارۆیی تەمەن ۴۶ ساڵ ۲- ئیمان نارۆیی ۲۹ ساڵ ۳- میلاد نارۆیی ۲۰ ساڵ ۴- مێهرشاد نارۆیی ۱۹ ساڵ ۵- ئیمان نارۆیی ۲۱ ساڵ ۶- محەممەد نارۆیی ۳۲ ساڵ ۷- فەزل‌ئەحمەد نارۆیی ۳۹ ساڵ ۸- فەرشید نارۆیی ۲۸ ساڵ ۹- سەفەر نارۆیی ۳۵ ساڵ ۱۰- یاسین نارۆیی ۲۹ ساڵ ۱۱- مێهدی نارۆیی ۳۰ ساڵ ۱۲- ئازین نارۆیی ۲۸ ساڵ ۱۳- ئەمینوڵڵا نارۆیی ۳۹ ساڵ ۱۴- موحسین نارۆیی ۲۶ ساڵ ۱۵- ئەمینوڵلا نارۆیی ۴۱ ساڵ ۱۶- مووسا نارۆیی ۴۴ ساڵ ۱۷- مەجید نارۆیی ۴۷ ساڵ ۱۸- عەبدولحەکیم بەندوور ۴۰ ساڵ ۱۹- عەبدولحەمید بەندوور ۲۶ ساڵ و ئیمان دێهمەردە ۱۹ ساڵ.
بەپێی ڕاپۆرتی ماڵپەڕی حال وەش، هێزە ئەمنییەکان بە دەیان ئۆتۆمبێل گەمارۆی هەندێک گەڕەکی ئەو شارەیان داوە و بە هێرش کردنە سەر ماڵی هاووڵاتییان و بەکارهێنانی توندوتیژیی فیزیکی و زارەکی دەستبەسەریان کردوون.
هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییانە و چارەنووس و شوێنی ڕاگرتنیان لەبەر دەستدا نییە.
