ڕێوڕەسمی نەورۆز؛ دستبەسەرکرانی کاروان دافعی لە لایەن هێزە ئەمنییەکان لە شاری مەریوان
هەنگاو؛ یەکشەممە ٣ی خاکەلێوەی ٢٧٢٥
کاروان دافعی، هاووڵاتیی گەنجی خەڵکی شاری مەریوان لە پەیوەندی لەگەڵ ڕێوڕەسمەکانی نەورۆزی کوردستان لە لایەن هێزەکانی ئیدارەی ئیتلاعاتەوە لەو شارەدا دەستبەسەر کرا و بۆ شوێنێکی نادیار گواسترایەوە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی یەکشەممە ۳ی خاکەلێوەی ٢٧٢٥ (٢۳ی مارسی ٢٠٢٥)، کاروان دافعی، تەمەن ۲۵ ساڵە و خەڵکی شاری مەریوان لە لایەن هێزەکانی ئیدارەی ئیتلاعات لە یەکێک لە شەقامەکانی ئەو شارەدا دەستبەسەر کرا و بۆ شوێنێکی نادیار گواسترایەوە.
بەوتەی سەرچاوەیەکی ئاگادار، دەستبەسەرکرانی ئەو هاووڵاتییە لە پەیوەندی لەگەڵ ڕێوڕەسمەکانی نەورۆزی کوردستاندا بووە و بەدواداچوونەکانی بنەماڵەکەی بەمەبەستی ئاگاداربوونەوە لە چارەنووس و شوێنی ڕاگرتنی کاروان دافعی تا ئێستا بێ ئاکام ماوەتەوە.
هەتا کاتی داڕشتنی ئەم ڕاپۆرتە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییە و چارەنووس و شوێنی ڕاگرتنی لەبەر دەستدا نییە.
