ڕێوڕەسمی نەورۆز؛ دستبەسەرکرانی سێ هاووڵاتیی کورد لە لایەن هێزە ئەمنییەکانەوە لە شاری سنە
هەنگاو؛ دووشەممە ۴ی خاکەلێوەی ٢٧٢٥
سێ هاووڵاتیی کوردی خەڵکی گوندی ئەوێهەنگی ناوچەی کەڵاتەرزانی سەر بە شاری سنە بە ناوەکانی شیروان ئەحمەدی، ئیدریس حەیدەری و سیروان حاتەمی لە پەیوەندی لەگەڵ ڕێوڕەسمەکانی نەورۆزی کوردستان لە لایەن هێزە ئەمنییەکانەوە دەستبەسەر کران و بۆ شوێنێکی نادیار گواسترانەوە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی یەکشەممە ۳ی خاکەلێوەی ٢٧٢٥ (٢۳ی مارسی ٢٠٢٥)، شیروان حەیدەری تەمەن ۳۷ ساڵ، ئیدریس حەیدەری تەمەن ۳۰ ساڵ، و سیروان حاتمی تەمەن ۴۰ ساڵ، خەڵکی گوندی "ئەوێهەنگ"ی سەر بە شارۆچکەی کەڵاتەرزانی سنە لە لایەن هێزە ئەمنییەکانەوە دەستبەسەر کران و بۆ شوێنێکی نادیار گواسترانەوە.
بەوتەی سەرچاوەیەکی ئاگادار، دەستبەسەرکرانی ئەو سێ هاووڵاتییە لە پەیوەندی لەگەڵ ڕێوڕەسمەکانی نەورۆزی کوردستاندا بووە و بەدواداچوونەکانی بنەماڵەکانیان بەمەبەستی ئاگاداربوونەوە لە چارەنووس و شوێنی ڕاگرتنیان تا ئێستا بێ ئاکام ماوەتەوە.
هەتا کاتی داڕشتنی ئەم ڕاپۆرتە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو سێ هاووڵاتییە کوردە و چارەنووس و شوێنی ڕاگرتنیان لەبەر دەستدا نییە.
