ڕێوەڕەسمی نەورۆز، دەیان هاووڵاتی خەڵکی دەڕەشاری لە لایەن ئیدارەی ئیتلاعاتەوە بانگکران و هەڕەشەیان لێکرا
هەنگاو: چوارشەممە ١٣ی خاکەلێوەی ٢٧٢٥
دەیان هاووڵاتیی خەڵکی دەڕەشاری سەر بە پارێزگای ئیلام بە هۆی بەشداری لە ڕێوڕەسمی نەورۆزی ئەم شارە لە لایەن ئیدارەی ئیتلاعاتەوە بانگکران و هەڕەشیان لێکرا. ئەم ڕێوەڕەسمە سەرەڕای ڕێگری دەزگا ئەمنییەکان بە بەشدارییەکی زۆری خەڵک بەڕیوەچوو.
بە پێی ڕاپۆرتی گەیشتوو بە ڕێکخراوی مافی مرۆڤی هەنگاو، لەم دواییانەدا ئیدارەی ئیتلاعاتی دەڕەشار ژمارەیەکی زۆر لە هاووڵاتییانی بە هۆی بەشداری لە ڕێوەڕەسمی نەورۆزدا بانگکردوە و لێپرسینەوەی لێ کردوون.
بە وتەی سەرچاوەیەکی ئاگادار، بانگکردنی ئەم هاووڵاتییانە بە هۆی بەشداری لە ڕیوەڕەسمی نەورۆزدا کە ڕۆژی دووشەممە ١١ی خاکەلێوەی ٢٧٢٥ لە دەڕەشاردا گیراوە، بووە.
پێشتر هەنگاو گرتەیەکی ڤیدیۆیی بڵاوکردەوە کە تێیدا دەردەکەوێت لە کاتی ڕێوەڕەسمی نەورۆزدا دروشمی ژن، ژیان، ئازادی" بەکۆمەڵ لەلایەن ئامادەبووان وتراوەتەوە.
