سنە؛ دەستبەسەرکرانی پەیمان شەیخولئیسلامی لە لایەن هێزەکانی وەزارەتی ئیتلاعاتەوە

هەنگاو؛ پێنجشەممە ۲۱ی خاکەلێوەی ۲۷۲۵

هاووڵاتییەکی کورد و خەڵکی شاری سنە بەناوی پەیمان شەیخولئیسلامی لە لایەن هێزەکانی وەزارەتی ئیتلاعاتی کۆماری ئیسلامیی ئێران لەو شارەدا دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی سێشەممە ۱۹ی خاکەلێوەی ۲۷۲۵ (۸ی ئەپریلی ۲۰۲۵)، پەیمان شەیخولئیسلامی ، خەڵکی سنە لە لایەن هێزەکانی وەزارەتی ئیتلاعاتەوە دەستبەسەر کرا.

هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییە و چارەنووس و شوێنی ڕاگرتنی لەبەر دەستدا نییە.