ڕێوڕەسمی نەورۆز؛ ڕاپۆرتێک لە دەستبەسەركرانی سێ هاووڵاتی لە لایەن هێزە ئەمنییەكانەوە لە سنە
هەنگاو؛ پێنجشەممە ١٤ی خاكەلێوەی ٢٧٢٥
سێ هاووڵاتیی كوردی خەڵكی سنە بە ناوەكانی محەممەد ساعیدی، مستەفا كاكایی و سوورەبوومە (ناوی نادیار) لە سەرەتاكانی خاكەلێوەی ئیمساڵ لە پەیوەندی لەگەڵ ڕێوڕەسمەكانی نەورۆزی كوردستان، لە لایەن هێزە ئەمنییەكانی كۆماری ئیسلامیی ئێران لە سنە دەستبەسەر و بۆ دەستبەسەرگەی ئیدارەی ئیتلاعاتی ئەم شارە گواستراونەتەوە و تا ئێستا زانیارییەک لەسەر چارەنووسیان لەبەر دەستدا نییە.
بە پێی ڕاپۆرتی گەیشتوو بە ڕێكخراوی مافی مرۆڤی هەنگاو، لە سەرەتاكانی خاكەلێوەی ئەمساڵ محەممەد ساعیدی ، مستەفا كاكایی و کەسێک بە نازناوی سوورەبوومە، كە هەر سیانیان خەڵكی سنەن لە لایەن هێزەكانی ئیدارەی ئیتلاعات دەستبەسەر و بۆ دەستبەسەرگەی ئەم ناوەندە ئەمنییە لە سنە گواستراونەتەوە.
بە وتەی سەرچاوەیەكی ئاگادار دەستبەسەركرانی ئەم سێ هاووڵاتییە لە پەیوەندی لەگەڵ ڕێوڕەسمی نەورۆزی كورستان بووە و سەرەڕای بەدواداچوونی بنەماڵەكانیان بە مەبەستی ئاگاداربوون لە چارەنووس وبارودۆخی ناوبراوان ناوەندە ئەمنییەكان لە پێدانی هەر جۆرە وڵامێك لەم بارەیەوە خۆیان پاراستووە.
تا كاتی داڕشتنی ئەم ڕاپۆرتە، زانیارییەكی ورد لەسەر چارەنووس و تۆمەتە سەپێندراوەكان بۆ سەر ئەم سێ هاووڵاتییە كوردە لەبەر دەستدا نییە.
