بیجاڕ؛ دەستبەسەركرانی شۆفێرێكی ئۆتۆمبێلی بارهەڵگر لە لایەن هێزە ئەمنییەكانەوە
هەنگاو؛ هەینی ٩ی جۆزەردانی ٢٧٢٥
شۆفێرێكی ئۆتۆمبێلی بارهەڵگری ناڕازیی كورد و خەڵكی بیجاڕ لە لایەن هێزە ئەمنییەكانی كۆماری ئیسلامیی ئێران دەستبەسەر كرا. دەستبەسەركرانی ئەم شۆفێرە بە هۆی بەشداریكردنی لە مانگرتن و ئامادەبوونی لە ناڕەزایەتییەكانی شۆفێران لە شاری بیجاڕ بووە.
بە پێی ڕاپۆرتی گەیشتوو بە ڕێكخراوی مافی مرۆڤی هەنگاو، ڕۆژی هەینی ٢ی جۆزەردانی ٢٧٢٥ (٢٣ی مەی ١٠٢٥)، شۆفێرێكی ئۆتۆمبێلی بارهەڵگری ناڕازی بە ناوی ئەڵماس، كوڕی سەییدە مەسیح و حوسێن، خەڵكی بیجاڕ لە یەكێك لە شەقامەكانی ئەم شارە لە لایەن هێزە ئەمنییەكانەوە دەستبەسەر كراوە.
سەرچاوەیەكی ئاگادار بە هەنگاوی ڕاگەیاند كە دوای بەڕێوەچوونی كۆبوونەوەی ناڕەزایەتی شۆفێرانی بارهەڵگرەكان لە شاری بیجاڕ، كە لە بەرامبەر شاری یاریكردنی ئەم شارە بووە، هێزە ئەمنییەكان بە هەڵسوكەوتێكی توندوتیژانە خۆپیشاندانەكەیان سەركوت كردووە و ئەم هاووڵاتییە كوردەیان لەگەڵ حەوت شۆفێری دیكە دەستبەسەر كردووە.
هەروەها ئەم سەرچاوەیە وتی كە لە نێوان ئەم كەسە دەستبەسەركراوانە، حەوت كەسی دیكە ئازاد كراون و شۆفێری ناوبراو تا ئێستا لە دەستبەسەری دایە و زایارییەكی ورد لەسەر بارودۆخ و شوێنی ڕاگرتنی لەبەر دەستدا نییە.
بە پێی ئەم ڕاپۆرتە، بارهەڵگرەكانی بیجاڕ هەروا لە مانگرتندان و جگە لە بارهەڵگرەكانی شركەتی ئێعتماد تەرابەر گرووس كە سەر بە كارگای سیمانی بیجاڕە و لە ژێر سەرپەرشتیی دەوڵەتی دایە، شۆفێرانی دیكە، لەگەڵ مانگرتنی سەرتاسەری بارهەڵگرەكان، لە مانگرتندان.
مانگرتنی شۆفێران و بارهەڵگرەكان لە ٢٩ی بانەمەڕ بە بانگەوازی یەكیەتی دامەزراوەی بارهەڵگرەكان و شۆفێرانی سەرتاسەری ئێران دەستی پێكرد و تا ئێستا لە زیاتر لە ١٣٠ شاری ئێران درێژەی هەیە.
