تەقینەوەی مین لە نێو شاری دیواندەرە؛ برینداربوونی چوار منداڵ

هەنگاو؛ شەممە ۸ی خەرمانانی ۲۷۲۵

بەهۆی تەقینەوەی مین لە نێو شاری دیواندەرە چوار منداڵ بەناوەکانی سامی جەلالی، مانی جەلالی، کیانووش خوسرەوی و موبین خوسرەوی بریندار بوون کە دوو کەسیان لە نەخۆشخانە خەوێندراون.

بە پێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی هەینی ۷ی خەرمانانی ۲۷۲۵ (۲۹ی ئاگۆستی ۲۰۲۵)، سامی جەلالی، مانی جەلالی، کیانووش و موبین خوسرەوی، چوار منداڵی خەڵکی شاری دیواندەرە بەهۆی تەقینەوەی مین لە سیلۆیەک لە شەقامی ۱۶ی مەتریی ئەو شارەدا بریندار کران.

بەپێی زانیارییەکان دوو کەس لەو منداڵانە بەهۆی قووڵیی برینەکانیانەوە بۆ نەخۆشخانەی خومەینیی دیواندەرە گواستراونەتەوە و بارودۆخیان بە ناجێگیر ڕاگەیەندراوە.