کامێران؛ بەردەوامی دەستبەسەرکران و نادیاری چارەنووسی زانیار محەممەدنیژاد
هەنگاو؛ یەکشەممە ٩ی خەرمانانی ٢٧٢٥
زانیار محەممەدنیژاد، هاووڵاتیی کورد و خەڵکی شاری کامێران؛ لە دوو مانگ پێشەوە لە لایەن هێزەکانی ئیدارەی ئیتلاعاتی کۆماری ئیسلامی ئێرانەوە دەستبەسەر کرا و تا ئێستاش زانیارییەک لەسەر چارەنووسی لەبەر دەستدا نییه.
بە پێی ڕاپۆرتی گەیشتوو بە ڕێکخراوی مافی مروڤی هەنگاو، سەرەڕای تێپەڕبوونی ٥١ڕۆژ لە کاتی دەستبەسەرکرانی زانیار محەممەدنیژاد، هاووڵاتیی خەڵکی کامێران؛ لە لایەن ئیدارەی ئیتلاعاتەوە، زانیارییەک لەسەر چارەنووسی لەبەر دەستدا نییه و هەوڵی بنەماڵەکەی بو زانینی چارەنووسی بێ ئاکام ماوەتەوە و دامەزراوە ئەمنییەکان لە وەڵامدانەوە خۆیان دەپارێزن.
زانیار محەممەدنیژاد،ڕۆژی هەینی ٢٠ی پووشپەڕ (١١ی جوڵای ٢٠٢٥) لە ئەنجامی هێرشی هێزەکانی ئیدارەی ئیتلاعات بۆ ماڵی بنەماڵەیەتیان دەستبەسەر و بۆ شوێنێکی نادیار گواستراوە.
شایەنی باسە کە ئەم هاووڵاتییه لە کاتی بزووتنەوەی ژن، ژیان، ئازادیش لە لایەن هێزە ئەمنییەکانی کۆماری ئیسلامی ئێرانەوە دەستبەسەر کرابوو.
تا کاتی داڕشتنی ئەم ڕاپۆرتە، زانیارییەکی ورد لەسەر هۆکاری دەستبەسەرکران، تۆمەتە هەڵبەستراوەکان، شوێنی ڕاگرتن و چارەنووسی ئەم هاووڵاتییه لەبەر دەستدا نییه.
