دەستبەسەركرانی چوار هاووڵاتیی كورد لە سنە و دیواندەرە لە لایەن هێزەكانی ئیدارەی ئیتلاعات
هەنگاو؛ چوارشەممە ٢١ی خەزەڵوەری ٢٧٢٤
سێ هاووڵاتیی كوردی خەڵكی سنە بە ناوەكانی فەرشید مەنسووری، فواد مورادی و بێهنام نووری و كاوە عەبدی هاووڵاتیی كوردی خەڵكی دیواندەرە لە لایەن هێزەكانی وەزارەتی ئیتلاعاتی كۆماری ئیسلامیی ئێران دەستبەسەر و بۆ شوێنێكی نادیار گواسترانەوە.
بە پێی ڕاپۆرتی گەیشتوو بە ڕێكخراوی مافی مرۆڤی هەنگاو، ئێوارەی سێشەممە ٢٠ی خەزەڵوەری ٢٧٢٥ (١١ی نۆڤەمبەری ٢٠٢٥)، فەرشید مەنسووری، تەمەن ٣٦ ساڵ، باوكی منداڵێكی بچووك و خەڵكی گەڕەكی عەباساوای سنە لە ماڵەكەی دەستبەسەر كرا.
هەروەها، دووشەممە ١٩ی خەزەڵوەر بێهنام نووری، خەڵكی گوندی “قوڵیان”ی سەر بە سنە و كاوە عەبدی، تەمەن ٣٥ ساڵ و خەڵكی دیواندەرە دەستبەسەکران،
هاوكات، هاووڵاتییەكی دیكەی خەڵكی سنە بە ناوی فواد مورادی كە خێزاندار و باوكی منداڵێكە، لە لایەن هێزەكانی ئیدارەی ئیتلاعات لە ماڵی بنەماڵەییەكەی دەستبەسەر كراوە.
بە وتەی سەرچاوەیەكی ئاگادار، بێهنام نووری، چایی فرۆش لە ماڵەكەی خۆی و كاوە عەبدی، ئەندازیار لە كاتی گەڕانەوە لەسەر كارەكەی لە دێولان بۆ دیواندەرە، دەستبەسەر كراون.
تا كاتی داڕشتنی ئەم ڕاپۆرتە زانیارییەكی ورد لەسەر هۆكاری دەستبەسەركران و شوێنی ڕاگرتنی ئەم هاووڵاتییانە لەبەر دەستدا نییە.
