بانە؛ هێمن خورشیدی لە لایەن هێزە ئەمنییەکانەوە دەستبەسەر کرا

هەنگاو؛ پێنجشەممە ٢٩ی خەزەڵوەری ٢٧٢٥

هاووڵاتییەکی خەڵکی بانە بە ناوی هێمن خورشیدی لە لایەن هێزە ئەمنییەکانی کۆماری ئیسلامیی ئێرانەوە لەم شارە دەستبەسەر و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی دووشەممە ٢٦ی خەزەڵوەری ٢٧٢٥ (١٧ی نۆڤەمبەری ٢٠٢٥)، هێمن خورشیدی، تەمەن ٢٩ ساڵ و خەڵکی بانە دەستبەسەر کرا.

بە وتەی سەرچاوەیەکی ئاگادار و نزیک لە بنەماڵەی هێمن خورشیدی، ئەم هاووڵاتییە لە شوێنی کارەکەی لە قاوەخانەکەی خۆی لە بانە دەسبەسەرکراوە.

ناوبراو دوای دەستبەسەرکرانی بۆ شوێنێکی نادیار گوازراوەتەوە و هیچ زانیارییەکی ورد لەسەر هۆکارەکانی دەستبەسەرکردن و تۆمەتەکانی سەپێنراو بەسەریدا لە بەردەستدا نییە.