دەستبەسەرکردنی محەممەد ئوسلووب و کامیل ئوسلووب، دوو برای خەڵکی پیرانشار

هەنگاو؛ چوارشەممە ١٢ی سەرماوەزی ٢٧٢٥

محەممەد ئوسلووب و کامیل ئوسلووب، دوو برای کوردی خەڵکی پیرانشار، لەلایەن هێزە ئەمنییەکانی کۆماری ئیسلامیی ئێرانەوە بە توندوتیژی دەستبەسەر و بۆ شوێنێکی نادیار گوازراونەتەوە.

بە پێی ڕاپۆرتی گەیشتوو بە رێکخراوی مافی مرۆڤی هەنگاو، ڕۆژی چوارشەممە ١٢ی سەرماوەزی ٢٧٢٥ (٣ی دیسەمبەری ٢٠٢٥)، محەممەد ئوسلووب و کامیل ئوسلووب، خەڵکی پیرانشار دەستبەسەر کران.

بە وتەی سەرچاوە ئاگادارەکان، محەممەد ئوسلووب و کامیل ئوسلووب بە هێرشی هێزە ئەمنییەکان بۆ سەر ماڵەکانیان لە پیرانشار و بە بکارهێنانی توندوتیژی دەسبەسەر کراون.

تا کاتی بڵاوکردنەوەی ئەم ڕاپۆرتە، هۆکاری دەستبەسەرکردنی ئەم دوو برایە، تۆمەتە ئاڕاستەکراوەکان و شوێنی دەسبەسەرکردنیان نادیارە.