ڕاپۆرتی "پاوەن" لەپێوه‌ندی له‌گه‌ڵ حوکمەکانی دادگا لە کوردستان (ئۆکتۆبری ٢٠١٦)
١٥ خەزەڵوەر ٢٧١٦، ١٤:٣١
هەنگاو: ماڵپەڕی مافی مرۆڤیی "هەنگاو" بەنیازە بە مەبەستی زەقکردنەوەی ئەو حوکمانەی بەسەر چالاکانی کورددا ده‌سەپێندرێن، ڕاپۆرتێک لەژێر ناوی "پاوەن" ئامادە و بەشێوەی مانگانە بڵاوی بکاتەوە.
بە پشتبەستن بە ئاماری تۆمار کراو لە ناوەندی ئاماری ماڵپەڕی مافی مرۆڤیی "هەنگاو"، لەماوەی مانگی ئۆکتۆبری ئەمساڵدا، ١٧٤ مانگ زیندان لەلایەن دادگاکانی رێژیم لەکوردستاندا بەسەر ٧ هاووڵاتیی کورددا سەپێندراوە.
بەپێی ئەم ڕاپۆرتە، لەو ماوەیەدا ٦ چالاکی کرێکاری لەسەریەک بە ٥٤ مانگ زیندان و هاووڵاتییەکی کوردی دانیشتووی ئۆتریش بە ١٢٠ مانگ زیندان حکوم دراون.
پشکی ژنان لەو حوکمانە ٢٤ مانگ بووە و پیاوانی کوردیش بە ١٥٤ مانگ زیندان مەحکووم کراون.
ئەو سزانەی لەلایەن دادگاکانی ڕێژیمەوە راگه‌یه‌نراون بەمشێوەی خوارەوەیە؛
١_ مێهرداد سەبووری خەڵکی کامیاران ١٢ مانگ زیندان.
٢_ شاهۆ سادقی خەڵکی کامیاران ٣ مانگ زیندان.
٣_ ئومید ئەحمەدی خەڵکی کامیاران ١٢ مانگ زیندان.
٤_ ڕۆژین ئیبراهیمی خەڵکی کامیاران ١٢ مانگ زیندان.
٥_ دڵنیا سەبووری خەڵکی کامیاران ١٢ مانگ زیندان.
٦_ ئارام محەممەدی خەڵکی کامیاران ٣ مانگ زیندان.
٧_ کامه‌ران قادری خەڵکی شنۆ و دانیشتووی وڵاتی ئۆتریش ١٢٠ مانگ زیندان.
شەش حاڵەتی یەکەم، بە تۆمەتی بەشداری لە ڕۆژی جیهانیی کرێکار و لەلایەن دادگای شۆڕشێ سنەوە سزای زیندانیان بەسەردا سەپا و کامراق قادری کە کوردێکی دانیشتووی وڵاتی ئۆتریشە لەلایەن دادسەرای تارانەوە بە تۆمەتی "هاوکاریی ئەمریکا" سزای ١٢٠ مانگ زیندانی بەسەردا سەپێندراوە.
