دێڵۆڕان .. تەقینەوەی مین قوربانی لێکەوتەوە

هەنگاو:تەقینەوەی مین لەزەوی کشت و کاڵی بوە هۆی بریندار بوونی هاووڵاتیەکی دێلۆڕانی. بەپێی هەواڵی گەیشتوو بە ماڵپەڕی مافی مرۆڤی "هەنگاو"، " ڕۆژی هەینی ١٩ی سەرماوەز "عەلی حسەینی ،خەڵکی ئاوایی "چەم هندی" سەربە شاری دێلۆڕان، لەکاتێکدا بە تراکتۆر سەرقاڵی کێڵانی زەوی کشت و کاڵی بووە،بەهۆی تەقینەوەی مین  لەناو زەویەکەیدا بریندار دەبێت. ئەمە لە حاڵێکدایە کە ڕژیمی ئێران ئیدعای کردووە ئەم پارچە زەویانە لەمین پاک کراونەتەوە و خەڵک دەتوانین کەڵکیان لێ وەر گرن. بەپێی هەواڵی هەواڵنێری هەنگاو لە شاری دێلۆڕان، عەلی حسەینی بۆ چارەسەری پزیشکی بۆ یەکێک لە ناوەندە دەرمانییەکانی شاری ئەهواز گواستراوەتەو لەژێر چاوەدێری پزیشکی دایە.