مانگنامەی ئێعدام لە کوردستاندا ( دێسامبری ٢٠١٦)

هەنگاو: ماڵپەڕی مافی مرۆڤیی "هەنگاو" ڕاپۆرتی پێشێلکاریی مرۆڤ بەشێوەیەکی مانگانە و بەردەوام بڵاو دەکاتەوە، بە پشتبەستن بە ئاماری تۆمارکراو لەناوەندی ئاماری ماڵپەڕی "هەنگاو"، لەماوەی مانگی دێسامبردا سزای سێدارەی ٩ هاووڵاتیی کورد لە بەندیخانەکانی ئێران بەڕێوە چووە. بەپێی ئەم ڕاپۆرتە، سزای سێدارەی ٩ هاووڵاتیی کورد لە گرتووخانەکانی شیراز، مەشهەد، کرماشان، سەڵماس، مەراغە،بەندەرعەباس، کەرەج و ئیلام بەرێوە چووە کە بە ەبراوەرد لەگەڵ مانگی نۆڤەمبر ٦ حاڵەت کەمی کردووە.   ناسنامەی ئەو کەسانەی کە لەسێدارە دراون بە شێوەی خوارەوەیە؛   ٣ ی دێسامبری ٢٠١٦ : مەهدی شەمسی نێژاد کە کوردێکی دانیشتووی قەزوێن بوو، بە تۆمەتی "بازرگانی کردن بە ماددە هۆشبەرەکان" لە گرتووخانەی شیراز لەسێدارە درا. ٤ ی دێسامبری٢٠١٦ : هاووڵاتییەکی کوردی خەڵکی قووچان لە پارێزگای خۆراسان بەناوی "ع. م" لە گرتووخانەی مەشهەد بە تۆمەتی "قەتڵی ئەنقەست" لەسێدارە درا. ٦ ی دێسامبری ٢٠١٦ :  سزای سێدارەی هاووڵاتییەکی خەڵکی کەنگاوەر بەناوی "عەلی ئەکبەر کەرەمی" لە گرتووخانەی دێزڵئاوی کرماشان بەڕێوە چوو. ٧ ی دێسامبری ٢٠١٦ : هاووڵاتییەکی سەڵماسی بەناوی "عەلی چێهریق" بەتۆمەتی بازرگانی کردن بە ماددە سڕکەرەکان" لە گرتووخانەی ناوەندی ئەو شارە لەسێدارە درا. ١٥ ی دێسامبری ٢٠١٦ : هاووڵاتییەکی خەڵکی نەغەدە بەناوی "بێهزاد سەلیم کورد" بە تۆمەتی "بازرگانی کردن بە ماددە سڕکەرەکان لە گرتووخانەی ناوەندیی بەندەرعەباس لەسیدارە درا. ١٥ ی دێسامبری ٢٠١٦: لاوێکی تەمەن ٢٣ سالی سەقزی بەناوی "سەعید فەرامەرزی" بەتۆمەتی "بازرگانی کردن بە ماددە سڕکەرەکان" لە گرتووخانەی رەجایی شاری کەرەج لەسیدارە درا. ٢٢ ی دێسامبری ٢٠١٦ : هاووڵاتییەکی ئیلامی کە ناسنامەی بۆ سەرچاوەکانی هەواڵ ڕوون نەبووەتوەوە بەتۆمەتی "دەستدرێژی سێکسی" و لەپێش جاوی خەڵک لەسێدارە درا. ٢٧ ی دێسامبری ٢٠١٦ : خالید جەواهری خەڵکی دیواندەرە بە تۆمەتی "بازرگانی کردن بە ماددە سڕکەرەکان" لە گرتووخانەی ناوەندیی شاری بەندەرعەباس لەسێدارە درا.   کەڵک وەرگرتن لەم ئامارە بە هێنانی ناوی سەرچاوە (هەنگاو) رێگە پیدراوە.