ڕاپۆرتی “بەرژان” سەبارەت بە پێشێلکاریی مافەکانی ژنان _ دێسامبری ٢٠١٦

هەنگاو: ماڵپەڕی مافی مرۆڤیی “هەنگاو” بەمەبەستی زەقکردنەوە و ڕووماڵکردنی پێشێلکارییەکانی مافەکانی ژنان لە کوردستان، ڕاپۆرتێک لەژێر ناوی “بەرژان” ئامادە و بەشێوەی مانگانە بڵاوی دەکاتەوە. بە پشتبەستن بە ئاماری تۆمار کراو لە ناوەندی ئاماری ماڵپەڕی مافی مرۆڤیی "هەنگاو"، لەماوەی مانگی ڕابردوودا (دێسامبری ٢٠١٦)، ٢٠ حاڵەت پێشلکاری مافەکانی ژنان کە بریتین لە ٢ حاڵەت دەرچوونی حوکمی زیندان، ٥ حاڵەت دۆخی بەندکراوانی ژنی کورد، ٩ حاڵەت خۆکوژی، ٣ حاڵەت کوژرانی ژنانی کورد  و گیان لەدەستدانی ژنێک بە هۆی هەڵەی پزیشکی لە کوردستان تۆمار کراوە.   سەپاندنی حوکمی زیندان _ لەڕێکەوتی ١٩ی دێسامبر، سەحەر فەیزی کچە خوێندکاری کوردی دانیشتووی سەقز بە تۆمەتی "بەشداری لە مانگرتنی ٢٢ی پوشپەڕ" لەلایەن دادگای شۆڕشی ئەو شارەوە سزای ١٨ مانگ زیندانی بەسەردا سەپێندرا. _  هەواڵی دەرچوونی حوکمی ٣ ساڵ زیندان بۆ کچە خوێندکاری مەهابادی ئەسرین ئەمین زادە بۆ یەکمجار بڵاو کرایەوە. ناوبراو ئیستا لە گرتووخانەی سنە ماوەی حوکمەیەکی تێپەڕ دەکات.   دەستبەسەر کران و دۆخی بەندکراوانی سیاسی _  ئەفسانە بایزیدی  بە نیشانی نارەزایەتی دەربڕین بە نەبوونی سیستەمی گەرمکەرەوە لە گرتووخانەی کرمان دروشمی مەرگ بۆ دیکتاتۆری وتەوە و کەوتە بەر لێدان و کوتانی هێزەکانی گرتووخانە. ئەو بەندکراوە کوردە سزای ٤ ساڵ زیندانی بەسەردا سەپێندراوە. _ بەرپرسانی گرتووخانەی یاسووج پێشیان لە چوونە مرەخەسی قەدریە قادری گرت، ئەمە لەحاڵیکدا بوو کە باوکی ناوبراو کۆچی دوایی کدبوو. ئەو بەندکراوە کوردە ئێستا لە گرتووخانەی یاسووج خەریکی تێپەڕاندنی ماوەی ٧ ساڵ حوکمەکەیەتی.   _  لاوێن کەریمی بەندکراوی سیاسی کوردی خەڵکی سەقز کە لە گرتووخانەی هەمەدان ڕاگیراوە، بە نیشانەی ناڕەزایەتی دەربڕین بە ئیزن نەدانی ناوبراو بۆ وەرگرتنی مرەخەسی دەرمانی لەدەرەوەی زیندان بۆ ماوەی ٧ ڕۆژ مانی لە خواردن گرت. ناوبراو ٣ ساڵ زیندانی بەسەردا سەپێندراوە. _ ڕۆژین پایا بەندکراوی سیایس کوردی بەندکراو لە گرتووخانەی یاسووج، سەرباری ئەوەی کە ماوەی ٥ مانگە حوکمەکەی کە ٦ سال بووە کۆتایی پێ هاتووە، بەڵام ئازاد ناکرێت. _ هاجەر پیری بەندکراوی سیاسی خەڵکی نەغەدە لە گرتووخانەی کرمانەوە بۆ گرتووخانەی تەورێز گویزرایەوە. ناوبراو بە تۆمەتی "هاوکاری حیزبە کوردییەکانی دژبەری ئێران" سزای ١٧ ساڵ زیندانی بەسەردا سەپێندراوە.     کوژرانی ژنان _  ڕۆژی چوارشممە ٢٠ی دێسامبر، ٣ ژنی کورد لە شارەکانی کامیاران، پاوە و ئیلام بە دەستی خزم و کەس و کار و یان کەسانێکی نەناسراو کوژران   خۆکوژی ژنان ١ دێسامبری ٢٠١٦ : ژنێکی تەمەن ١٨ ساڵی خەڵکی سەقز بە ناوی "نەرگس قادرزادە" بە هۆی کێشەی خێزانی و لەریگای خۆهەڵواسینەوە کۆتایی بە ژیانی خۆی هێنا. ١ دێسامبری ٢٠١٦ : ژنێکی بۆکانی بە ناسنامەی "وەجیە محەممەدی ئەقدەم" لەرێگای خۆسووتاندنەوە کۆتایی بە ژیانی خۆی هێنا. ٦ دێسامبری ٢٠١٦:  نگین بیدخام خەڵکی کامیاران بە هۆی کێشە لەگەڵ هاوژینەکەی ئاگری لە جەستەی خۆی بەردا و گیانی لە دەستدا. ١٢ دێسامبری ٢٠١٦ : ژنێکی تەمەن ٢٧ ساڵی خەڵکی کامیاران بە ناوی شنۆ مارابی، بەهۆی کێشە لەگەڵ هاوسەرەکەی و لەریگای خۆسووتاندنەوە کۆتایی بە ژیانی خۆی هێنا. ٢٧ دێسامبری ٢٠١٦ :  یک دختر جوان اهل شنو (اشنویە) بە نام "سمیە رونما" بە دلیل مشکلات اجتماعی و از تریق حلق‌آویز کردن بە زندگی خود پایان داد. ٢٨ دێسامبری ٢٠١٦ : سەحەر مورادیان تەمەن ١٨ ساڵ و خەڵکی سەقز بەهۆی ئەویە براکەی نەیهێشتبوو لە زانکۆ دریژە بە خوێندن بدات خۆی هەڵواسی و گیانی لە دەست دا. ٢٩ دێسامبری ٢٠١٦ : ژنێکی گەنجی خەڵکی ئورمیە بە ناوی "ژیلا نەویدی" بە هۆی کێشەی خێزانیەو ە و لەرێگای خۆهەلواسینەوە کۆپتایی بە ژیانی خۆی هێنا. _ لە ماوەی مانگی دێسامبردا دوو ژنی دیکەی کورد لە شارەکانی بۆکان و دیولان کۆتاییان بە ژیانی خۆیان هێناوە کە هەتا ئێستا ناسنامەیان بۆ سەرچاوەکانی هەواڵ روون نەبووەتەوە.   هەڵەی پزیشکی ٢ دێسامبری ٢٠١٦ : ژنێکی دوو گیانی خەڵکی پاوە بە ناوی مەرزیە شوکری  بەهۆی کەمتەرخەمی پێرسێنلی نەخۆشخانەی "قدس"ی ئەو٣ شارە گیانی لە دەست دا.   بڵاو کردنەوەی ئەم ڕاپۆرتە بە مەرجی هێنانی ناوی سەرچاوە(هەنگاو) رێگەپیدراوە.