مەهاباد .. حاتەم جەعفەری گوێزرایەوە بۆ ئیتلاعاتی ئورمیە

هەنگاو: یەکێک لەو دوو هاووڵاتیە مەهابادیەی کە دوو حەفتە بەر لەئێستا دەستبەسەر کرابوون، گوێزایەوە بۆ ئیتلاعاتی ئورمیە و یەکێکی دیکەیان بە دانانی بارمتە ئازاد کرا. بەپێی ڕاپۆرتی ماڵپەڕی مافی مرۆڤیی "هەنگاو"، ڕۆژی شەممە ١٨ی بەفرانبار، حاتەم جەعفەری تەمەن ٣٣ ساڵ و کوڕی حەمزە، لە ئیدارەی ئیتلاعاتی مەهابادەوە بۆ ئیدارەی ئیتلاعاتی ئورمیە گوزرایەوە. هەواڵنێری "هەنگاو" لەشاری مەهاباد وێڕای پشتڕاستکردنەوەی ئەو هەواڵە ڕایگەیاند کە یونێس ساد‌ق‌زادە تەمەن ٢٥ ساڵ و کوڕی عەبدوڵلا کە هاوڕێ لەگەڵ حاتەم دەستبەسەر کرابوو، بەدانانی بارمتەی ٤٠ ملیۆن تمەنی و بەشیوەیەکی کاتی ئازاد کراوە. ئەو دوو هاووڵاتییە کوردە ڕۆژی یەکشەممە ٥ی بەفرانبار لەلایەن هێزە ئیتلاعاتییەکانی شاری مەهابادەوە دەستبەسەر کرابوون.   لینکی پەیوەندیدار مەهاباد.. دەستبەسەرکرانی دوو هاووڵاتی لەلایەن هێزە ئیتلاعاتییەکانەوە