سەقز.. بانگێشتی بەربڵاو بۆ ناوەندە ئەمنیەکان و هەڕەشە لە چالاکانی مەدەنی

هەنگاو: دوای بەڕێوە چوونی ڕێوڕەسمی نەورۆزی شاری سەقز، ڕێژەیەکی بەرجاو لە چالاکانی مەدەنیی ئەو شارە بانگهێشتی ناوەند ەئەمنییەکان کراون. بەپێی ڕاپۆرتی (هەنگاو)، لەنێوان ڕۆژانی سێشەممە هەتا پێنج‌شەممە ٢ هەتا ٥ی خاکەلێوە، دوای بەڕێوەچوونی ڕێوڕەسمی نەورۆز لە گوندی (ئایچی) شاری سەقز، ڕێژەیەکی بەرچاو لە چالاکانی سەقزی لەلایەن ناوەند ئەمنیەکانی ئەو شارەوە بانگهێشت و هەڕەشەیان لێکراوە. ناسنامەی ١٠ کەس لەو چالاکانی کە بانگهێشتی ناوەندە ئەمنیەکان کراون و بۆ (هەنگاو) ئاشکرا بووە بە شێوەی خوارەوەیە؛ ١_ سەید عەلی حوسێنی، مامۆستای زمانی ئینگلیزی و پێشکەشکاری ڕێوڕەسمەکە. ٢_ لوقمان قوڕەیشی کوڕی مەلا مەحیەدین و خەڵکی گوندی ئایچی. ٣_ حەسەن سەلیمی ٤_ خالید ڕەحیمی لە چالاکانی مەدەنی دانیشتووی ئایچی. ٥_ عەتا ڕەحمان زادە ناسراو بە عەتا شمشاڵ خەڵکی سەقز. ٦_ محەمەد عابدی، مامۆستای موسیقا. ٧_ کچی محەمەد عابدی ٨_ ئازاد بەیگ نیا. ٩_ سڵێمان عەبدی، مامۆستای هونەرستانی پیشەیی و یەێک لە سیما ناسیاو  دیارەکانی سەقز. ١٠_ مامۆستا مەلا حەسەن مەحموودی پێش نوێژی کوندی کانی نیاز.   بە وتەی سەرچاوەیەکی ئاگادار، ئەو کەسانە بە شیوەی بە کۆمەڵ بانگهێشت و جیاجیا لێپرسینەوەیان لێکراوە.