گیان لە دەست دانی کۆڵبەریکی تەمەن ٦٥ ساڵ
١٢ خاکەلێوە ٢٧١٧، ١٥:٠٩
هەنگاو: کۆڵبەرێکی بەساڵاچووی خەڵکی سەردەشت بە هۆی بەربوونەوە لە شاخ گیانی لە دەست دا.
بەپێی ڕاپۆرتی (هەنگاو)، ئێوارەی ڕۆژی هەینی ١١ی خاکەلێوە، کۆڵبەریکی تەمەن ٦٥ ساڵی کورد بەناوی (عەبدووڵڵا) و ناسراو بە (عەبدول) لە بەرزاییەکانی ناوچەی بەیتووشی سەردەشت بەر بوویەوە و لەئەنجامدا گیانی لە دەست دا.
بە وتەی شایەتحاڵێک، ئەو کۆڵبەرە بە هۆی بەربوونەوە لە بەرزایی دەستبەجێ گیانی لە دەست داوە و تەرمەکەی لەلایەن خەڵکی ناوچەکەوە بۆ سەردەشت گوێزراوەتەوە.
بەپشتبەستن بە ئاماری تۆمارکراو لەناوەندی ئاماری (هەنگاو)، لەماوەی ساڵی ١٣٩٥ی هەتاویدا ١٤٣ کۆڵبەری کورد گیانیان لەدەست داوە و یان بریندار بوون.
