کوژرانی کاسبکارێکی کامیارانی بە گومانی هەڵگرتنی باری قاچاخ
٢٩ خاکەلێوە ٢٧١٧، ١٦:١٦
هەنگاو: تەقەی ڕاستەوخۆی هێزەکانی ڕێژیمی ئێران لە ئۆتۆمبێلی هاووڵاتییەکی کورد، کوژراوی شۆفێرەکی لێکەوتەوە.
بە پێی هەواڵی گەیشتوو بە (هەنگاو)، ڕۆژی پێنج‌شەمە، بیست و چواری خاکەلێوە، هێزە ئینتزامییەکانی شاری کامیاران لە نزیکی ئاوایی (ئافڕیان) تەقەیان لە ئۆتۆمبیلی هاووڵاتییەکی کورد کردووە و کوشتوویانە.
هەواڵنێری (هەنگاو) ناسنامەی ئەو کەسەی (مەهدی جەمشیدی) کوری حسەین و تەمەن ٢٥ ساڵ ڕاگەیاندووە.
بە پێی وتەی سەرچاوەیەکی ئاگادار، هێزەکانی ئینتزامی لە حالێکدا تەقەیان لەو کاسبکارە کردووە کە ئۆتۆمبێلەکەی هیچی تێدا نەبووە و تەنها بە گومانی هەڵگرتنی باری قاچاغ داویانەتە بەر دەستدڕێژی گوللە.
