کرماشان/ ٨١ کەس دەستبەسەر کران

هەنگاو: ھاوکات لەگەڵ بەڕێوەچوونی دوازدەیەمین خولی ‌هەڵبژاردنی سەرکۆماری و پێنجەمین خولی ھەڵبژاردنی ئەنجومەنی شار و گوندەکان، دەیان ھاووڵاتیی کورد لە کرماشان دەستگیر کراون. دوێنێ ھەینی ٢٩ی بانەمەر و ھاوکات لەگەڵ بەڕێوەچوونی پرۆسەی ھەڵبژاردنی سەرکۆماری لە کرماشان، 81 ھاووڵاتیی کورد لەلایەن ھێزە ئەمنییەکانی ئێرانەوە دەستگیر کراون. بە گوتەی لیوا ڕەزا شیرازی، فرماندەی پۆلیسی پارێزگای کرماشان، ھۆکاری دەستگیرکردنی ئەو ھاووڵاتییە کوردانەی ھەوڵدان بۆ ساختەکاری و ناسەقامگیری و پشێویی پرۆسەی ھەڵبژاردن بووە. ئاماژەی بەوەش داوە، ھاوکات لەگەڵ ئەو 81 کەسە سەش ئۆتۆمبێلیش کە خاوەنەکانیان ھەوڵی بانگەشە و کڕین و فرۆشی دەنگیان داوە، دەستیان بەسەردا گیراوە.   پەیوەندی:   Tel: 009647511019899 Telegram  Faceboock gmail: [email protected]