دەستبەسەر کرانی ٧ هاووڵاتیی کورد لە کرماشان

هەنگاو: میدیا حکومەتییەکانی ئێران هەواڵێکیان بڵاو کردووەتەوە کە تێیدا هاتووە ٧ هاووڵاتیی کورد بە تۆمەتی "پڕوپاگەندە بۆ دژە شۆڕش" دەستبەسەر کراون. بەپێی ڕاپۆرتی (هەنگاو) و بە پشتبەستن بە ماڵپەڕی حکومەتیی مێهر، تیمەکانی ساێبری ئیتلاعاتی سوپای پاسدارانی شاری گیلانی ڕۆژئاوا سەر بە پارێزگای کرماشان ٧ هاووڵاتیی کوردیان دەستبەسەر کردووە. ئەو کەسانە بە تۆمەتی چالاکی لە ماڵپەڕە کۆمەڵایەتییەکان و بڵاوکردنەوەی بابەت بە نێوەڕۆکی دژە دینی و دژی ویلایەتی فەقی لەلایەن ئیدارەی ئیتلاعاتەوە دەستبەسەر کراون. بە وتەی سەرچاوەکانی سەر بە سوپای پاسداران، ئەو کەسانە ڕادەستی دەزگای دادوەری کراون . هەتا ئێستا ماڵپەڕی (هەنگاو) نەیتوانیوە گیرانی ئەو ٧ هاووڵاتییە وکردە لە گێلانی ڕۆژئاوا پشتڕاست بکاتەوە.

Contactus

Tel : 009647511019899

Gmail : [email protected]

Telegram : https://t.me/hengaw_news/733

Facebook : https://www.facebook.com/Hengaw.news/

Twitter : https://twitter.com/HengawO