کوژران و بریندار بوونی ٣٦ کۆڵبەر لە مانگی مەی

هەنگاو: لە یەک مانگی ڕابردووی زایینیدا (مانگی مەی) لانیکەم ٣٦ کۆڵبەری کورد کوژراون و بریندار بوون. بەپێی ئەم ڕاپۆرتە ٤ کۆڵبەر لەو مانگەدا کوژراون کە دوو کەسیان بە تەقەی ڕاستەوخۆی هێزە چەکدارەکانی ئێران و ٢ی دیکەش بەهۆی ڕووداوی هاتوچۆوە بووە. ٣ کەس لەو کۆڵبەرانە خەڵکی مەریوان و یەکێکی دیکەش خەڵکی شنۆ بوون. هەروەها لەو ماوەیە، ٣٢ کۆڵبەر بریندار بوون کە ٢٥ کەسیان خەڵکی مەریوان بوون و بە ڕووداوی هاتوچۆ بریندار بوون و ٧ کۆڵبەریش بە تەقەی ڕاستەوخۆی هێزە چەکدارەکانی ئێران بریندار بوون. ئەو کۆڵبەرانەی بە دەستی هێزە چەکدارەکانی ئێران بریندار بوون، ٣ حاڵەتیان خەڵکی مەریوان، ٢ کۆڵبەر خەڵکی شنۆ و بانە و پێنجوێنی هەرێمی کوردستان هەرکام یەک کۆڵبەر بوون. کەڵوەرگرتن لەو ئامارانە بە ئاماژە بە سەرچاوە ڕێگەپێ دراوە.  

Contactus

Tel : 009647511019899

Gmail : [email protected]

Telegram : https://t.me/hengaw_news

Facebook : https://www.facebook.com/Hengaw.news/

Twitter : https://twitter.com/HengawO