دەستبەسەر کران و ئەشکەنجەی دوو برا لە بۆکان
٢٥ جۆزەردان ٢٧١٧، ١٣:٢٨
هەنگاو: لەماوەی ڕۆژانی ڕابردوودا سێ هاووڵاتیی خەڵکی بۆکان لەلایەن ئیدارەی ئیتلاعاتی ئەو شارەوە دەستبەسەر و ئەشکەنجە کراون.
بەپێی ڕاپۆرتی (هەنگاو)، ڕۆژی شەممە ٢٠ی جۆزەردان (١٠ی حوزەیران)، هێزەکانی ئیدارەی ئیتلاعات هێرشیان کردووەتە سەر خێزانێکی کورد و دوو برایان دەستبەسەر کردووە.
هەواڵنێری (هەنگاو) لە شاری بۆکان ناسنامەی ئەو دوو برایەی کە دەستبەسەر کراون "جەعفەر محەممەدی" و "محەممەد محەممەدی" ڕاگەیاندووە.
ئەو دوو برایە خەڵکی گوندی "کانی گورگە" و دانیشتووی گەڕەکی "مەجبوورئاوای" شاری بۆکان بوون.
لەلایەکی دیکەوە و هاوکات هاووڵاتییەکی دیکە بە نازناوی "فەتاحی پوور" دەستبەسەر کراوە.
ئەو کەسانە بە تۆمەتی ئەندامەتی لە گرووپە سەلەفییەکان دەستبەسەر ک و ئێستا لە گرتووخانەی ئیدارەی ئیتلاعاتی بۆکان ڕاگیراون.
بە وتەی سەرچاوەیەکی نزیک لە بنەماڵەی محەممەدی، ئێستا برای گەورەی خێزانەکە خۆی شاردووەتەوە و ئیدارەی ئیتلاعات گوشاری خستووەتە سەر بنەماڵەکەیان کە دەبێ خۆی ڕادەست بکات.
بە وتەی ئەو سەرچاوەیە، لەماوەی جوار ڕۆژی ڕابردوودا جەعفەر و محەممەد لەماوەی ٤ ڕۆژی ڕابردوودا ئەشکەنجە دراون و ناچار کراون کە پەیوەندی بە بنەماڵەکەیانەوە بکەن و داوای ڕادەستکردنی برا گەورەکەیان بکەن.
ناوبراو رایشی گەیاندووە کە ئەو گیراوانە بە شۆکی ئەلەکترونکیشی ئەشکەنجە دراون.
