ڕاوەدوونانی هێزە نیزامییەکانی ئێران، برینداربوونی کۆڵبەرێکی لێ کەوتەوە
٣١ جۆزەردان ٢٧١٧، ١٨:٢٣
هەنگاو: کۆڵبەری کوردی خەڵکی دەڤەری سەڵماس، بەهۆی ڕاوەدوونانی هێزە ئینتیزامییەکانی حکومەتی ئێران لە ناوچە سنوورییەکان، بریندار بوو.
بەپێی ڕاپۆرتی "هەنگاو" و بە پشت بەستن به ماڵپەڕی "ماف نیوز"، ڕۆژی دووشەممە ٢٩ی جۆزەردان، ڕاوەدوونانی هێزەکانی ئێران لە ناوچە سنوورییەکانی کوردستان برینداربوونی کۆڵبەرێکی کوردی لێ کەوتەوە.
ناسنامەی ئەم کۆڵبەرە کوردە "موراد حاجی زادە" ڕاگەیەندراوە و ئەم ڕووداوەش لە زنگۆ سەر بە بەشی کۆساری سەڵماس ڕووی داوە.
موراد حاجی زادە هەنووکە لە یەکێک لە ناوەندە دەرمانییەکانی سەڵماس لەژێر چاودێریی پزیشکی دایە.
دەوترێت کە کۆڵی ئەو هاووڵاتییە و باقی کۆڵبەرەکانی هاوڕێی، لەلایەن هێزەکانی ڕژیمەوە دەستی بەسەردا گیراوە.
بەپشت بەستن بە ئامارە تۆمارکراوەکانی هەنگاو، لە سەرەتای ئەمساڵەوە هەتا ئێستا ٧٩کۆڵبەری کورد بریندار کراون.
