ئیلام/ لەسێدارەدانی ٤ هاووڵاتیی کورد لە پێش چاوی خەڵک

هەنگاو: لە داهاتوویەکی نزیکدا، حوکمی سێدارەی چوار هاووڵاتیی کورد لە ئیلام بەڕێوە دەچێت. بەپێی ڕاپۆرتی "هەنگاو" و بە پشتبەستن بە  هەواڵدەریی خوێندکارانی ئێران (ئیسنا)، محەممەد ڕەزم، سەرۆکی دەزگای قەزایی ڕژیمی ئێران لە ئیلام ڕایگەیاندووە کە ئەم چوار هاووڵاتییە کوردە لەپێش چاوی خەڵک لەسێدار دەدرێن . ناوبراو ئاماژەی بەوەداوە کە  ئەوان لە پێش چاوی خەڵک لەسێدارە دەدرێن هەتا خەڵک لە چارەنووسی ئەوان فێر بن و چاوترسێن بکرێن. ڕەزم وتووشیەتی کە ئەم چوار کەسە بە تاوانی "دەسدرێژیی بۆ سەر نامووسی خەڵک " سزای سێدارەیان بەسەردا سەپێندراوە. بەپشتبەستن بە ئاماری تۆمارکراو لە ناوەندی ئاماری "هەنگاو"، لە ماوەی ٦ مانگی ڕابردوودا سزای سێدارەی ٥١ هاووڵاتیی کورد جێبەجێ کراوە کە٢  کەسیان لە پێش چاوی خەڵکەوە لەسێدارەدراون.  

:Contact us

Tel : 009647511019899

Gmail : [email protected]

Telegram : https://t.me/hengaw_news

Facebook : https://www.facebook.com/Hengaw.new

Twitter : https://twitter.com/HengawO