بەندکراوێکی کورد ٩ ساڵە بێ بەشە لە مافی چاوپێکەوتن
٢٩ پووشپەڕ ٢٧١٧، ١٩:١٩
هەنگاو: یەکێک لە بەندکراوانی سیاسی کورد لە بەندیخانەی یەزد، ماوەی ٩ ساڵە کە لە مافی چاوپێکەوتن لەگەڵ بنەماڵەکەی بێبەش کراوە.
بە پێی هەواڵی گەیشتوو بە “هەنگاو” ، روستەم ئەرکیا، بەندکراوی سیاسی لە بەندیخانەی شاری یەزد، دوای ٩ ساڵ تێپەڕکردن لە ماوەی حوکمەکەی، هەتا ئێستا مافی چاوپێکەوتن لەگەڵ بنەماڵەکەی و هەروەها جوونەدەرەوە لە زیندان بە مەبستی چارەسەریی پزیشکی پێ نەدراوە.
ڕۆستەم ئەرکیا، خەڵکی شاری ماکۆ، لە سەرماوەزی ساڵی ١٣٨٧ لە لایەن دادگایی شۆڕشی شاری خۆی بە تۆمەتی دژایەتی خودا و هاوکاری لەگەڵ حیزب کوردیەکانی دژبەری ئێران، حوکمی سێدارەی بۆ بڕایەوە.
ئەم حوکمە لە ساڵی دواتر ل دادگایی پێداچوونەوە بۆ ٢٠ ساڵ بەند کران و دوور خستنەوە بۆ زیندانی شاری یەزد گۆڕدرا.
ڕۆستەم ئەرکیا لە ساڵی ١٣٨٩ و دوایی گواستنەوە بۆ بەندیخانەی یەزد تا ئێستا، لە مافی چاوپێکەوتن لەگەڵ بنەماڵەکەی بێبەش بووە.
شایانی باسە، ئەم زیندانیە سیاسیە لە ماوەی دادگایی کردنیدا مافی هەبوونی پارێزەریشی نەبووە.
