هەنگاو ناوی سێ دەسبەسەرکراوی دیکەی شاری بانە ئاشکرا دەکات

هەنگاو: پاش چوار ڕۆژ، هەنگاو ناسنامەی سێ هاووڵاتیی دەسبەسەرکراوی دیکەی شاری بانە ئاشکرا دەکات.

بەپێی ڕاپۆرتی رێکخراوی مافی مرۆڤیی ”هەنگاو“، ڕۆژانی سێ‌شەممە و چوارشەممە ڕێکەوتی ١٤ و ١٥ی خەرمانان، نزیک بە ٢٢ هاووڵاتییانی شاری بانە دەسبەسەر کران کە هەتا ئێستا ناوی ٩ کەس لەو دەستبەسەرکراوانە بۆ ماڵپەڕی هەنگاو ئاشکرا کراوە کە ٤ چوار کەسیان هەنووکە لە زیندان دان.

هەواڵنێری هەنگاو، لە شاری بانە ڕایگەیاند، ١٨ هاووڵاتی ئازاد کراون و ٤ی دیکەش سزای ٢٠ ڕۆژی زیندانیی کاتییان بەسەردا سەپاوە.

ناوی ئەو چوار هاووڵاتییانە کەلە زیندانی ئیتلاعاتی سپادا دەستبەسەرن، بەم چەشنەیە:

١ ــ هەژیر ئیبن عەبباسی

٢ ــ ڕزگار دیفاعی

٣ ــ ئەیوب مەولوودی

٤ ــ کوردۆ حوسێن پوور

پێشتر هەنگاو ناوی ٥ کەس لەو دەسبەسەر کراوانەی بڵاو کردبووەوە.