بەشێک لە بەندکراوانی مەهاباد بۆ بەندیخانەی ئەو شارە گوازرانەوە
هەنگاو: لە ماوەی ڕۆژانی ڕابردوو زیاتر لە ٣٠ هاوڵاتی مەهابادی لە لایەن هێزە ئەمنیەکانی ئێرانەوە دەستبەسەر و بۆ بەندیخانەی ئەو شارە گوازراونەتەوە.
بە پێی هەواڵی گەیشتوو بە ڕێکخراوی مافی مرۆڤی "هەنگاو"، ڕۆژانی دوشەممە و سێشەممە ٣ و ٤ی ڕەزبەر، زیاتر لە ٣٠ هاوڵاتی خەڵکی مەهاباد بە تاوانی بەشداری لە شایی و خۆشی دوایی سەرکەوتنی گشتپرسی هەرێمی کوردستان، دەستبەسەر کران.
ناسنامەی ٥ لەس لەو گیراوانە بۆ "هەنگاو" ئاشکرا بووە کە لە خوارەوە ئاماژەی پێ دەکرێ:
١ـ ڕووناک ئاقایی
٢ـ کاوێس ئاقایی
٣ـ ئارمان شەشە
٤ـ کەریم پاونجە
٥ـ ئیسماعیل بۆکانی
بە وتەی سەرچاوەیەکی باوەر پێکراو ئەو ٥ کەسە بۆ بەندیخانەی شاری مەهاباد گوازراونەتەوە.
تائێستا ناسنامەی بەستبەسەرکراوەکانی دیکەی شاری مەهاباد بۆ "هەنگاو" ئاشکرا نەکراون.
هەروەها سروە موسازادە کچی ڕووناک دەستبەسەر کراوە کە پاش چەند کاتژمێر ئازاد کرابوو.
