گیان لە دەست دانی ٦ کرێکاری کورد لە ئاگرکەوتنەوەی پاڵاوگەی نەوتی تاران
٦ خەزەڵوەر ٢٧١٧، ١٣:٥٠
هەنگاو: بەهۆی ئاگرکەوتنەوە لە پاڵاوگەی نەوتی تاران شەش کرێکاری کوردی خەڵکی ئیلام گیانیان لەدەست داوە.
بە پێی ڕاپۆرتی گەیشتوو بە “هەنگاو”، لە ڕووداوی ئاگرکەوتنەوەی پاڵاوگەی نەوتی تاران کە دوێنێ هەینی ( ٥ی خەزەڵوەر / ٢٧ی ئۆکتۆبر) شەش کرێکاری کوردی خەڵکی ئیلام بەناوەکانی "نیعمەت کوخایی، کازم ئەمیر، موحسن دارابی، سەجاد دارابی، پوویا دارابی و ئەفشین میرزایی" گینیان لەدەست داوە.
لە ڕووداوەدا چوار کەسی دیکەش بریندار بوون.
پاڵاوگەی نەوتی توندگوویان لە "باقرشار" لە ١٢ کیلۆمەتریی باشووری تاران هەڵکەوتووە کە ساڵی پاریش تووشی ئاگرکەوتنەوە بوو.
